E fundit!

20:21 Aktualitet

Protestuesit nuk harrojnë Veliajn: I erdhi radha e burgut, të mos lirohet

Protestuesit që mbajnë fjalimet e tyre para Kryeministrisë...

Përfundon gara/ Shpallet fituesi për rikualifikimin e Pallatit të Kongreseve dhe ndërtimin e kullës

2 Qershor 2026, 18:07, Aktualitet CNA

Përfundon gara/ Shpallet fituesi për rikualifikimin e Pallatit të

Është shpallur fituesi i garës ndërkombëtare për rikualifikimin e Pallatit të Kongreseve dhe zhvillimin e kullës së re multifunksionale që do të ndërtohet në kompleks.

Projekti fitues u prezantua nga konsorciumi i udhëhequr nga Herzog & de Meuron Basel Ltd, në bashkëpunim me Julian Beqirin, Marsela Demajn, Michel Desvigne Paysagiste (MDP), Gentian Shkurtin, SUEB INDUSTRIES sh.p.k., The Space Factory Ltd dhe KLAR sh.p.k..

Sipas arkitektëve, koncepti i propozuar synon të ruajë identitetin e ndërtesës ekzistuese përmes ndërhyrjeve minimale, duke respektuar vlerat historike dhe arkitekturore të Pallatit të Kongreseve. Projekti parashikon krijimin e hapësirave të reja publike dhe integrimin e gjelbërimit në të gjithë kompleksin.

Një nga elementët kryesorë të projektit është ndërtimi i një sheshi të ri urban, i konceptuar si një zonë e hapur për qytetarët. Hapësira do të lidhet me nivelet e poshtme përmes një sistemi tarracash të gjelbra, duke krijuar një ambient që ngjan me një pyll urban në zemër të qytetit.

Ndërhyrjet brenda godinës përfshijnë modernizimin e kushteve teknike dhe akustike, rindërtimin e çatisë me një strukturë të re çeliku, si dhe shtimin e gjashtë sallave të konferencave me kapacitet total prej rreth 1,600 personash.

Projekti përfshin gjithashtu ndërtimin e një kulle multifunksionale që do të kombinojë hapësira zyrash dhe hotelerie, duke e kthyer kompleksin në një qendër të re aktivitetesh kulturore, biznesi dhe eventesh.

Juria vlerësuese sugjeroi që gjatë fazave të mëtejshme të zhvillimit të projektit të rishikohen disa elemente të kullës, veçanërisht lartësia dhe trajtimi i pjesës së sipërme, me qëllim përmirësimin e raportit të saj me hapësirat publike përreth.

Juria u bëri thirrje fituesve që të marrin parasysh lartësinë e kullës dhe pjesën e sipërme për të përmirësuar hapësirat publike.

Në vend të tretë, sipas jurisë, u renditën “Studio GANG”, “Gener 2” sh.p.k., “AD-STAR sh.p.k.”, “Digi Print”, “Besart Papa”, “Rudina Papavasili”.

Kurse në vend të dytë “MVRDV B.V”, “AEI Progetti Srl”, “IRI sh.p.k.”, “Jason Bruges Studio Ltd”, “Charcoalblue International Ltd”, “Arup Engineering Trading as Ove Arup & Partners Ireland Ltd”, “Bami Holding” sh.p.k./ CNA