web counter
LEXO PA REKLAMA!

SHKARKO APP

App Store
Google Play

E fundit!

x

“Si të parandalojmë një situatë ‘meltdown’-i”?/ Analistja tregon hapat: Theksi duhet të vihet te funksioni i sjelljes

2 Qershor 2026, 17:36, Aktualitet CNA

Analistja e sjelljes, Genta Kapllani ka folur në episodin e sotëm të podcastit “Ndryshe, por bashkë”, lidhur me menaxhimin e e situatave “meltdown” tek fëmijët me autizëm.

Kapllani ka treguar se si mund të parandalohet që një situatë të shkojë drejt një “meltdown”-i. Ajo u shpreh se në çfarëdo lloj sjellje të papërshtatshme apo problematike, rekomandohet patjetër analiza e sjelljes së fëmijës.

Gjithashtu theksoi se theksi duhet të vihet te funksioni i sjelljes.

“Në çfarëdo lloj sjellje të papërshtatshem, sjelle problematike apo sfiduese që ne ndeshemi, padyshim rekomandojmë analizën e sjelljes. Unë e përmenda që kemi një formë sjellore dhe një funksion të kësasj sjellje. Forma është vëzhgim që i bëjmë tjetrit, pra me të qara, të bërtitura, goditje të vetes ose tjetrit, hedhje të objektit. Por e rëndësishme është të vihet theksi te funksioni i sjelljes. Pra, çfarë do të arrijë fëmija me anë të kësaj sjellje. Zakonisht kemi dy kategori të ndara, funksion për të marrë diçka apo për të shmangur diçka. Në rastin e meltdown është kryesisht për të shmangur. Ndaj bëhet një analizë e situatës, se çfarë e shkakton sjelljen e meltdown dhe cila është pasoja, se çfarë do të arrijë fëmija përmes kësaj sjellje. Edhe në këtë rast pavarësish se është sjellje e pakontrolluar nga fëmija, ai përpiqet të komunikojë diçka. Duhet parë se cili është stimuli ndjesor që shqetëson fëmijën. Nëse është zhurma, atëherë funksioni është për të shmangur një ambjent të zhurmshëm”, u shpreh Kapllani. /CNA





Lajmet e fundit nga