Akil Pano ngre shqetësimin: Të ndalohet urdhri, pas tij vijojnë praktikat për ndërhyrje kirurgjikale

2 Qershor 2026, 17:05, Aktualitet CNA

Akil Pano ngre shqetësimin: Të ndalohet urdhri, pas tij vijojnë

Pastori Akil Pano ka ngritur shqetësimin dhe ka kërkuar ndalimin e menjëhershëm të urdhrit të ministrisë së Shëndetësisë për trajtimin me terapi hormonale për transgjinorët.

Sipas Panos, pas urdhrit do të vijojnë praktikat për ndërhyrjen kirurgjikale për zëvendësimin e gjinisë.

“Disa mijëra nga ne, të gjithë sëbashku ishim një zë i fuqishëm që denoncoi dhe apeloi ndalimin e menjëhershëm të këtij urdhëri që vijon me praktikat për ndërhyrjen kirurgjikale për zëvendësimin e gjinisë”, shkruan Pano ndër të tjera.

“Përulësisht më lejoni t’ju shpreh falenderimet e mia për pjesëmarrjen tuaj aktive ne Marshimin Për Jetën organizuar nga Koalicioni Shqiptar Pro Familjes ditën e djeshme.

Ngjarja u njoftua nga ne disa ditë më parë, menjëherë pas urdhërit që Ministria e Shëndetësisë i drejtoi QSUT për mundësimin e terapive hormonale (KASTRIMIN KIMIK) tek fëmijët mosha 13.5 deri 16 vjeç.

Disa mijëra nga ne, të gjithë sëbashku ishim një zë i fuqishëm që denoncoi dhe apeloi ndalimin e menjëhershëm të këtij urdhëri që vijon me praktikat për ndërhyrjen kirurgjikale për zëvendësimin e gjinisë.

Pavarësisht mbivendosjes së protestës për Zvërnecin tek i njëjti vend dhe orar, të dyja protestat u zhvilluan mbi mirëkuptim vëllazëror dhe atdhedashuri.

- Falenderoj nga zemra zonjat dhe zotërinjtë, miqtë tanë të nderuar, përfaqësues të besimeve, shoqërisë civile dhe profesionistë të cilët nga foltorja adresuan çështjet që shqetësojnë shoqërinë Shqiptare.

Folësit e nderuar: Gazetari dhe aktivisti Brenton Kotorri; Bashkëthemeluesen e koalicionit znj Linda Pano Ing; Avokaten Znj Eda Grimci; Mjeken Sosela Rrusho, Imami Sokol Kondakçi; Gazetarin dhe Aktivistin z. Aulon Kalaja, Ish Myftiu I Tiranës z. Ylli Gurra; Pastori Paulin Vilajeti - Pastor. Mjekun Lokoped dhe Aktivisti Erges Eskiu, Pedagogu Jonathan Pano

- Falenderoj Forumin Musliman të Shqipërisë, z Fisnik Kruja, Imamet e pranishëm, pastorët, klerikët e besimeve, nënat dhe baballarët, gjyshërit dhe gjyshet, gjithë qytetarët e pranishëm për mbështetjen në kauzën e shenjtë të familjes.

- Falenderoj nga zemra të gjithë miqtë e koalicionit që udhëtuan nga jashtë Tiranës per t’u bashkuar në këtë ngjarje të rëndësishme për familjen.

- Falenderoj drejtuesit e mediave, gazetarët e kronikës që mundësuan transmetimin live dhe pasqyrimin e Marshimit Pro Familjes.

- Falenderoj policinë e shtetit për bashkëpunimin korrekt.

- Në fund dëshiroj të falenderoj bashkëpunëtorët tanë më të afërt, të gjithë vullnetarët nga Kisha Ungjilli i Krishtit për përkushtimin dhe kontributin e tyre.

- I jam mirënjohës bashkëshortes dhe djalit tonë për gjithçka që japin pa u lodhur në kauzën e mbrotjes se fëmijëve dhe familjes.

- Çdo falenderim i shkon Zotit prej nga buron jeta, dashuria dhe familja.

Sëbashku do t’ia dalim. Për Lirinë; Familjen; Atdheun. Zoti bekoftë Shqiptarët she Shqipërinë”, shkruan Pano./ CNA