web counter
LEXO PA REKLAMA!

SHKARKO APP

App Store
Google Play

E fundit!

x

Pas pedagogëve/ Një tjetër protestë mbahet në kryeqytet

15 Tetor 2022, 11:14, Aktualitet CNA

Pas pedagogëve/ Një tjetër protestë mbahet në kryeqytet

Sot është Dita e Shkopit të Bardhë, ose ndryshe dita e personave të cilët nuk shikojnë (të verbër). 

Ata janë bashkuar të gjithë në një protestë, të mbajtur para Bashkisë Tiranë, ku kanë paraqitur disa kërkesa që lidhen me mirëqënien e tyre, infrastrukturën dhe integrimin në shoqëri. 

“Jemi të harruar, të braktisur totalisht nga kjo qeveri që e kemi votuar. Me plot gojën i kemi votuar dhe jemi të braktisur. Po mbijetojmë. Vetëm ditën e votave kujtohen”.- shprehen disa nga protestuesit, të cilët morën pjesë në protestë, për të kërkuar të drejtat e tyre.

Një tjetër shqetësim ishte se pagesa nuk është e mjaftueshme, pasi edhe ata persona që u shërbejnë si kujdestar nuk janë të siguruar. 

Sakaq një zonjë, e cila kujdesej për njërin nga të verbërit, u shpreh se kryeministri duhet ta provojë të vendoset qoftë edhe 2 orë në pozicionin e këtyre protestuesve që nuk mund të shikojnë.

“Me çfarë të jetoj, me 130 mijë lekë? Më thotë se nëse nesër ky vdes unë nuk kam as vjetërsi pune. Po shikojmë nga fëmijët të na ndihmojë. Ne kemi marrë 6%. Thuaj 10 mijë lekë, sa të dalësh poshtë pallatit prishen.
Vetëm një orë të rrijë kryeministri si këta. Një orë bashkëshortja t’ia lidhë sytë e t’i vërë bukën para, ta shikojë se çfarë është kjo jetë. Është shtresa më inteligjente, por janë të mbyllur”, tha protestuesja.





Lajmet e fundit nga