web counter
LEXO PA REKLAMA!

SHKARKO APP

Paketë e re ndihme/ 21 milionë euro nga BE për Forcat e Armatosura

22 Maj 2026, 22:45, Aktualitet CNA

Paketë e re ndihme/ 21 milionë euro nga BE për Forcat e

Këshilli i Bashkimit Evropian ka miratuar paketën e tretë të asistencës për Shqipërinë në kuadër të "European Peace Facility", me vlerë 21 milionë euro. Kjo mbështetje e çon në 49 milionë euro fondin total të vënë në dispozicion nga BE-ja për modernizimin e ushtrisë shqiptare.

Paketa e re përfshin pajisje të teknologjisë së fundit, duke përfshirë mjete të blinduara të lehta, pajisje taktike dhe inxhinierike, si dhe mbështetje për trajnimin dhe kapacitetet operacionale të Forcave të Armatosura.

Ky vendim është një vlerësim për kontributin dhe rolin aktiv të Shqipërisë si partner i besueshëm i BE-së dhe NATO-s në fushën e sigurisë dhe mbrojtjes.

Ministri i Mbrojtjes, Ermal Nufi, e ka vlerësuar këtë asistencë si një shprehje të bashkëpunimit të ngushtë me aleatët evropianë, duke theksuar se këto fonde do të shërbejnë për të rritur ndjeshëm aftësitë mbrojtëse dhe standardet e ushtrisë shqiptare./ CNA





Lajmet e fundit nga