web counter
LEXO PA REKLAMA!

SHKARKO APP

App Store
Google Play

Trafiku në autostradën Tiranë-Durrës/ Ministri Karakaçi: Do të shembet mbikalimi i Rinasit

22 Maj 2026, 13:45, Aktualitet CNA

Trafiku në autostradën Tiranë-Durrës/ Ministri

Ministri i Infrastrukturës dhe Energjisë, Enea Karakaçi, në konferencën e sotme për mediat ka folur lidhur me trafikun e vazhdueshëm në autostradën Tiranë-Durrës ku njoftoi se do të shembet mbikalimi i Rinasit.

Karakaçi u shpreh se do të ndërtohet një mbikalim i ri me 4 korsi. Sipas tij, kjo dhe vazhdimi i korsive shtesë do t’i japë një shfryrje të madhe trafikut në autostradën Tiranë-Durrës.

“Ne hapëm korsitë në drejtim të Rinasit dhe në drejtim të Tiranës kur vjen nga Durrësi që ishin 6 km e para. Patjetër që hinka krijohet përsëri, për çdo qytetar dhe për mua që kaloj në atë rrugë, por mund të theksoj se trafiku është shumë i ndryshuar. Kishim një problematikë me një mbikalim që na detyroi ta ngushtonim disi, në rrugën që çon për në Rinas, që u rregullua me ndërhyrjen e menjëhershme të ARRSH-së, duke e liruar, sepse atje është i bllokuar trafiku në dalje tanimë. Tjetra, ne e dimë që është hinka që krijohet në mbikalimin e Rinasit, ajo çfarë mund t’ju them është se ne kemi në fuqi kontratën duke u zbatuar dhe çdo qytetar që kalon aty mund ta shikojë vazhdimin e punimeve pas mbikalimit të Rinasit. Pjesë e kësaj kontrate është shembja e mbikalimit të Rinasit, krijimi i një mbikalimi të ri me 4 korsi, dhe vazhdimi i korsive shtesë që janë duke u punuar dhe kjo do t'i japë një shfryrje më të madhe trafikut në Tiranë-Durrës”, tha ai. /CNA





Lajmet e fundit nga