web counter
LEXO PA REKLAMA!

SHKARKO APP

App Store
Google Play

Padia për shpifje e Ballës ndaj Berishës/ Shtyhet seanca në GJKKO, Kalaja jep detaje

22 Maj 2026, 12:03, Aktualitet CNA

Padia për shpifje e Ballës ndaj Berishës/ Shtyhet seanca në

Është shtyrë seanca në GJKKO për padinë ndaj kreut të PD-së, Sali Berisha, nga kreu i Grupit Parlamentar të PS-së, Taulant Balla.

Avokatja përfaqësuese e Berishës, Adriana Kalaja, u shpreh se shkaku i shtyrjes së seancës ishte se kreu i Grupit Parlamentar të PS-së nuk i kishte dhënë prokurë avokates së tij për ta përfaqësuar në seancë.

Ndërkohë, Kalaja tha se Berisha nuk pranon pajtimin pasi i qëndron postimit në llogarinë e tij në "Facebook", dhe është shprehur se është informacion i dhënë nga qytetarë të ndryshëm.

”Ashtu si në seancën e parë dhe sot, Taulant Balla refuzoi të vinte përpara gjykatës dhe aq më shumë që në prokurën e avokates përfaqësuese të tij, nuk i kishte dhënë tagrat që përfaqësuesja e tij mund të bënte dhe seancën e pajtimit. Ndërkohë që zoti Berisha në seancën e kaluar ka deklaruar që nuk pranon të bëjë pajtim me Taulant Ballën dhe çdo gjë që ka publikuar në rrjetin e tij në 'Facebook', janë informacione të dhëna nga qytetarë të ndryshëm. I qëndron atij publikimi. Në seancat vijuese do t'ju bëjmë me dije edhe të dhëna të tjera që konfirmojnë vërtetësinë e atij publikimi dhe nga ana tjetër koha ka treguar që çdo deklaratë, çdo publikim i zotit Berisha ka qenë i vërtetë. Është i bazuar në prova dhe mbi të gjitha në një informacion të saktë të qytetarit digjital”, tha Kalaja.

Kujtojmë se kreu i Grupit Parlamentar të PS-së, Taulant Balla, paditi në GJKKO kreun e PD-së, Sali Berisha, për shpifje. Kreu i PD-së, Sali Berisha, krahas një mesazhi të qytetarit digjital, siç e quan ai, shkruante Taulant Balla ka nxjerrë nga burgu Mario Çelën dhe e ka dërguar në një dhomë urgjence në spitalin e Elbasanit. /CNA





Lajmet e fundit nga