E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Sëmundja dhe divorci/ Saimir Vishaj: Mjerë ai që e vuan vetminë

21 Maj 2026, 20:17, Aktualitet CNA

Sëmundja dhe divorci/ Saimir Vishaj: Mjerë ai që e vuan

Avokati Saimir Vishaj ka treguar në emisionin Rudina betejën e tij më sëmundjen e rëndë dhe ndërhyrjet që i është dashur të kryejë.

Vishaj rrëfeu se për shkak të sëmundjes tashmë jeta e tij është mes Shqipërisë dhe Amerikës.

“Kam qenë duke dalë nga një seancë gjyqësore më 29 prill 2025, ku papritur kam rënë në tokë, nuk e di arsyen. Unë jam shumë i rregullt në bërjen e check up-it dhe analizave. E vetmja gjë që nuk më kishin bërë ishte kolonoskopia dhe kam shkuar gjysmë i vdekur në Itali. Ata më pas më zbuluan që kisha një kancer në zorrë të trashë, i cili më kishte hedhur disa vatra në mushkëri. I jam nënshtruar gati 12 orë një operacioni me robot në Itali, ku kam pastruar kancerin dhe aktualisht jam mes Amerikës dhe Shqipërisë, ku po i japim dorën e fundit dy-tre vatrave të vogla të kancerit që më ndodhen në trup. Mosbërja e saj më çoi tre herë në gjendje kome. Tre herë kam qenë i intubuar, ku luaja me jetën me minuta, me sekonda.”

Vishaj ka treguar se tashmë do të duhet ta marrë jetën më butë dhe nuk duhet të stresohet në mënyrë që asgjë të mos ndikojë në shëndetin e tij.

“Nuk duhet të stresohem, duhet ta marr jetën më butë, pasi në 35 vite avokati, edhe unë i përjetoja ngjarjet dhe ndoshta kjo ishte një nga pasojat që erdhi kjo sëmundje dhe agravoi kaq shpejt.”

Vishaj më tej foli dhe për divorcin nga bashkëshortja e tij.

“Vijmë nga SHBA, pasi kishim bërë një pjesë të kimioterapisë, të cilën do e vazhdonim në Shqipëri. Bashkëshortja nuk e përtypi dot që ne do të jetonim në Shqipëri dhe një ditë të bukur, pas 2-3 ditësh, më tha ‘do të iki të rregulloj një dhëmballë’ dhe nuk u kthye më në shtëpi. Më pas mora vesh që kishte ikur tek dy çunat në Amerikë dhe sot ndodhet atje. Unë bëra divorcin legal, duke i dhënë fund marteses. Me dashje, pa dashje, ndodhi!”

Avokati u shpreh se vetmia është një nga plagët më të mëdha me të cilat i është dashur të përballet në këtë periudhë, për të cilën u shpreh se po e vuan shumë.

“Mjerë ai që e vuan vetminë. Më mirë të vdesësh se të jesh i vetmuar. Vetmia, sidomos për burrat, është shumë e rëndë. Të fillosh të lash enët, të lash rrobat, të pastrosh, të bësh punët, të bësh punët më të rëndomta, të vesh i veshur në punë dhe natën pastaj të flesh vetëm është shumë e rëndë. Ndonjëherë them më mirë të kisha vdekur se ta ndjeja veten të vetmuar. Por ja që po ia dal, po ia dal tani, jam mësuar. Ky është fati.”