web counter
LEXO PA REKLAMA!

SHKARKO APP

App Store
Google Play

E fundit!

x

Topalli në Kuvend: Paratë e "Portës së Alpeve" do të bëhen rrush e kumbulla

21 Maj 2026, 17:47, Aktualitet CNA

Topalli në Kuvend: Paratë e "Portës së Alpeve" do

Deputetja e PD-së, Jozefina Topalli ka folur në Kuvend për Paketën e Maleve dhe projektin “Porta e Alpeve”. Topalli shprehet se kjo që po shitet si zhvillim nga qeveria, i ngjan më shumë projekteve pa transparencë.

Ndër të tjera shtoi se qeveria nuk publikon kriteret e projektit, me qëllim favorizimin, grabitjen e pronave dhe klientelizmin. Deputetja tha se qeveria po i lë qëllimisht “në mjegull” detajet e projektit që të ketë më të lehtë ndarjen e fondeve për klientët e saj.

“Paketa e Maleve, në fakt përpiqet të shitet si zhvillim por ngjan më shumë me projekte pa trasnparencë pa kritere dhe me rrezik të madh për konflikte pronësie. Kur një projekt nuk ka kritere publike atëherë hapet dera për favorizime, grabitje pronash dhe klientelizëm. Ka një pyetje që askush nga qeveria nuk i jep përgjigje, si ka mundësi që fondet për alpe përfundojnë në zona bregdetare. Këto janë mjegull politike. Sa më i paqartë projekti, aq më e lehtë bëhet ndarja e fondeve dhe privilegjeve për klientët e qeverisë. Kur flitet për Portën e Alpeve për qarkun e Lezhës dhe Shkodrës, askush nuk shpjegon sa fonde shkojnë të secili qark, kush përfiton? Për pushtetin rëndësi ka vetëm relievi i interesave. Në këtë vend edhe malet nuk ndjekin më natyrën por klientin. Jam e bindur se paratë që ju i quani me emrin e bukur “Porta e Alpeve” do të bëhen rrush e kumbulla”, u shpreh Topalli. /CNA

 





Lajmet e fundit nga