web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet për aeroportin e Vlorës/ Berisha, akuza Ramës: Mund të kërkohen 500 milionë euro dëmshpërblim

21 Maj 2026, 15:55, Aktualitet CNA

Përplasjet për aeroportin e Vlorës/ Berisha, akuza Ramës:

Kreu i PD-së, Sali Berisha, në një deklaratë për mediat jashtë sallës së Kuvendit ka reaguar në lidhje me përplasjet për aeroportin e Vlorës.

Sipas Berishës, ndërhyrja e shtetit kundër atij që është investitori, pra në këtë rast Behgjet Pacollit, përbën një akt të rëndë dhe i jep të drejtën të kërkojë dëmshpërblim që mund të shkojë së paku 500 milionë euro.

Për përplasjet dhe prishjen e ortakërisë, Berisha i drejton gishtin kryeministrit Edi Rama.

“Në aeroportin e Vlorës s’mund të ketë kundërshti mes ortakëve. Por ndërhyrja e shtetit kundër atij që është investitori kryesor përbën një akt të rëndë dhe i jep të drejtën për një dëmshpërblim që mund të shkojë më së paku 500 milionë euro. E gjithë kjo bëhet për këtë arsye. Edi Rama fshihet pas prishjes së ortakërisë për aeroportin e Vlorës.

Ramës nuk i zihet besë. Rama përzihet se është aksioner, është kontrata, çështja është te 130 milionë euro të kontratës. Sipas kontratës së pashembullt, qeveria i paguan kompanisë për 13 vite 10 milionë euro bileta të munguara. Për të vjedhur këtë duhet të themi që ky është aeroporti më i madh i Ballkanit. Tani o burra duhet të përziejmë këtë që të marrim 10-milionëshin në vit.

Nëse do të ishte dorëjashtë kryeministrit, as nuk çonte policinë, por palët ortake e zgjidhnin në të gjitha shkallët e Gjyqësorit. Por Rama me aktet që ka kryer dhe rrëmbimin që i bën pronarit 'de facto' të punimeve, merr përsipër një gjobë më të rëndë që ka marrë shteti sot, kjo vetëm për të plaçkitur 13 milionë euro bileta të munguara”, tha Berisha./ CNA





Lajmet e fundit nga