web counter
LEXO PA REKLAMA!

SHKARKO APP

App Store
Google Play

E fundit!

x

Ngjitja e Zotit Krisht në Qiej/ Fortlumturia e Tij: Duke qenë të përulur ekziston mundësia të vijë hiri i Perëndisë

21 Maj 2026, 10:12, Aktualitet CNA

Ngjitja e Zotit Krisht në Qiej/ Fortlumturia e Tij: Duke qenë të

Ditën e sotme besimtarët orthodhoksë kremtojnë ngjitjen e Zotit Krisht në qiej. Kryepiskopi i Tiranës, Durrësit dhe gjithë Shqipërisë, Fortlumturia e Tij Joani ka drejtuar liturgjinë hyjnore në Katedralen “Ngjalja e Krishtit”.

Në fjalën e mbajtur, Fortlumturia e Tij tha se ngritja në qiej e Zotit Krisht është një shpresë e madhe. Kryepiskopi Joan tha se përballimi i vështirësive bëhet vetëm duke kuptuar rrugën e Kryqit.

Më tej, Fortlumturia e Tij bëri thirrje për atë që Kisha kujton vazhdimisht, pastrim shpirtëror, për të qenë në të djathë të Perëndisë.

 

“Përulësia vjen si dituri. Duke qenë të përulur ekziston mundësia të vijë hiri i Perëndisë. Ngritja e sotme në qiej është një shpresë e madhe. Zoti e ka krijuar njeriun sipas ikonës së Perëndisë, pak më të vogël se një qenie hyjnore. Jeta shpirtërore është e një dimensioni tjetër. Kisha na kujton vazhdimisht, për të filluar pastrimin shpirtëror, që kur të vijë dita të jemi në të djathtën e Perëndisë. Përballimi i gjithë vështirësive përballohen vetëm duke kuptuar rrugën e Kryqit. Të gjithë njerëzit do kenë kryq, por kryqi i Krishtit është ndryshe, është kryqi i një të pafajshmi”, u shpreh Fortlumturia e Tij./CNA





Lajmet e fundit nga