web counter
LEXO PA REKLAMA!

SHKARKO APP

Dakordësia PS-PD për Rregulloren e re të Kuvendit/ OSBE: Hap pozitiv

21 Maj 2026, 22:33, Aktualitet CNA

Dakordësia PS-PD për Rregulloren e re të Kuvendit/ OSBE: Hap

Prezenca e OSBE-së në Tiranë ka reaguar pas miratimit me konsensus të ndryshimeve në Rregulloren e Kuvendit. Në reagim thuhet se ky është një hap pozitiv për dialogun politik dhe për funksionimin e demokracisë parlamantare.

Më tej shtohet se ndryshimet pasqyrojnë një vendim të Gjykatës Kushtetuese, forcojnë reciprocitetin midis shumicës dhe opozitës dhe zgjerojnë hapësirën për një pjesëmarrje më aktive të të gjitha forcave në parlament.

Gjithashtu thuhet se zbatimi i Rregullores do të jetë thelbësor për përparimin e mëtejshëm në prioritetet e reformave të Shqipërisë.

“Prezenca e OSBE-së mirëpret miratimin me konsensus nga parlamenti të ndryshimeve në Rregulloren e Kuvendit. Kjo shënon një hap pozitiv për dialogun politik dhe për funksionimin e demokracisë parlamentare. Ndryshimet pasqyrojnë një vendim të Gjykatës Kushtetuese, forcojnë reciprocitetin midis shumicës dhe opozitës dhe zgjerojnë hapësirën për një pjesëmarrje më aktive të të gjitha forcave në parlament. Zbatimi i duhur i Rregullores do të jetë thelbësor për të siguruar një praktikë parlamentare gjithëpërfshirëse dhe efektive dhe për të mbështetur përparimin e mëtejshëm në prioritetet e reformave të Shqipërisë", thuhet në reagim.

Rregullorja e re e Kuvendit është miratuar me 100 vota pro, 0 abstenim dhe 1 kundër. Deputeti i Lëvizja Bashkë, Redi Muça ishte i vetmi ligjvënës që ka votuar kundër ndryshimeve të reja në rregulloren e Kuvendit, ndërkohë deputetët e PD-së dhe PS-së votuan pro. /CNA





Lajmet e fundit nga