Fjalimi i Eric Wendt/ Hoxha: Evidentoi Paraguajin prej grupeve kriminale shqiptare më të fuqishme

21 Maj 2026, 21:30, Aktualitet CNA

Fjalimi i Eric Wendt/ Hoxha: Evidentoi Paraguajin prej grupeve kriminale

Gazetari Artan Hoxha ka folur mbrëmjen e sotme lidhur me raportimin e kandidatit të SHBA-së për ambasador në Shqipëri, Eric Wendt në Senatin Amerikan. I ftuar në “Çim Peka Live” në Syri Tv, Hoxha tha se Wendt me fjalimin e tij tregoi linjat kryesore se ku do të mbështetet puna e tij.

Gjithashtu shtoi se nga vetë profili i tij, ushtarak i cili ka shërbyer me Beratat e Gjelbra, është e qartë se do të jetë një ambasador që nuk mund të korruptohet.

Ndër të tjera, Hoxha tregoi se përse Paraguaj u evidentua gjatë fjalimit të Wendt. Sipas tij ky shtet është baza që përmendet nga grupet më të fuqishme kriminale shqiptare për shpërndarjen e lëndësa narkotike drejt katër kontinenteve.

“Në disa konktate të fundit me përfaqësues të ambasadës tema e bisedës ka qenë krimi i organizuar. Ai thjesht jep linjat kryesore ku do të mbështetet puna e tij. Që nga momenti kur është zgjedhur një kandidat i tillë tregon një ndryshim nga kandidatët e kaluar. Ardhja e një stature të tillë, një njeri gjeneral lejtnant me tre yje, që e ka kryer shërbimin me Beretat e Gjelbra, njësia elitë e ushtrisë amerikane, tregon se na kanë dërguar një njeri që me atë duhet të mendohesh mirë ça flet dhe ta dëgjosh mirë ça flet. Do flasë pak si ushtarakët. Nuk mund ta përpunosh dhe as ta korruptosh. Ushtarakët në fund të karrierës së tyre mendojnë vetëm për figurën e tyre. Fakti që Shqipëria ka 3 vjet pa ambasador dhe zgjedhin një ushtarak të këtij niveli, duhet kuptuar që SHBA po vendosin që në Shqipëri nuk ka nevojë të vijë ambasadorja amerikane e Athinës.

Më bëri përshtypje që përmendi Paraguajin, që grupet shqiptare e kishin përmend si bazë për shpërndarjen e kokainës. Grupet shqiptare që kanë përdor Paraguajin janë më të fuqishmet, janë Çelat, Çopjat dhe një grup i Shijakut. Çelat është një grup nga Peqini. Ngarkesat e tyre DEA i ka ndjekur. Gjithë infoirmacionin që dha ambasadori aty e ka marrë nga DEA sepse vetëm amerikanët na njohin mirë për nivelin që shqiptarët tranportojnë në katër kontinente kryesore sot. Prandaj u identifikuar Paraguaji. Ai përcaktoi luftën kundër narkotrafikut si objektivat kryesor. Kjo nuk ka ndodhur kurrë në të kaluarën. Në 13 nëntorin e vitit të kaluar, Departamenti i Thesarit sanksionoi 27 veta të familjes Hysa që kishin dëmtuar interesat e SHBA, për të pastruar paratë e Sinaloas. DEA i ka dhënë një dosje të mirë që do ta marrë me vete”, tha Hoxha. /CNA