web counter
LEXO PA REKLAMA!

SHKARKO APP

App Store
Google Play

E fundit!

x

Zhupa, akuza Bashkisë së Sarandës: Po rrezikon sezonin në Ksamil dhe punën e operatorëve të skafeve

22 Maj 2026, 19:04, Aktualitet CNA

Zhupa, akuza Bashkisë së Sarandës: Po rrezikon sezonin në

Kryetarja e Komisionit për Kulturën, Turizmin dhe Diasporën, Ina Zhupa, reagoi pas protestës së operatorëve të skafeve në Ksamil, duke akuzuar Bashkinë e Sarandës për mungesë planifikimi dhe papërgjegjshmëri në nisje të sezonit turistik.

Zhupa kërkoi zgjidhje të menjëhershme për vendbazimin e mjeteve lundruese dhe theksoi se turizmi nuk menaxhohet me propagandë, por me përgjegjësi.

“Sezoni turistik ka nisur dhe Ksamili pret të ketë mijëra vizitorë, operatorët turistikë të skafeve dhe mjeteve lundruese të vogla detyrohen të dalin në protestë për të kërkuar diçka që Bashkia e Sarandës duhej ta kishte zgjidhur me kohë: përcaktimin e vendbazimit për mjetet lundruese.

Kjo situatë nxjerr qartë në pah papërgjegjshmërinë dhe mungesën e planifikimit nga bashkia, e cila në vend që të ishte e përgatitur për sezonin, ka lënë në pasiguri dhjetëra familje që jetojnë nga turizmi. Është e pafalshme që operatorët të detyrohen të protestojnë për shkak të mungesës së vëmendjes dhe vendimmarrjes nga institucionet lokale.

Edhe më shqetësues është fakti që zgjidhjet e propozuara, si 4 korridoret e përcaktuara, sipas vetë operatorëve të skafeve dhe mjeteve lundruese të vogla rrezikojnë të krijojnë konflikte mes operatorëve dhe probleme në menaxhimin e aktivitetit turistik.

Bashkia e Sarandës duhet të reagojë menjëherë, të dëgjojë operatorët dhe të japë një zgjidhje të qartë, funksionale dhe afatgjatë. Turizmi nuk mbahet me propagandë dhe me ndonjë intervistë në tv të kryetarit por me përgjegjësi dhe menaxhim serioz”, shkruan Zhupa.





Lajmet e fundit nga