web counter
LEXO PA REKLAMA!

SHKARKO APP

App Store
Google Play

E fundit!

x

Monika Kryemadhi denoncon Luli Bashën: Paguan mediat për shkrime denigruese ndaj meje

22 Maj 2026, 22:16, Aktualitet CNA

Monika Kryemadhi denoncon Luli Bashën: Paguan mediat për shkrime

Ish-deputetja Monika Kryemadhi përmes një videomesazhi ka denoncuar se Luli Basha po paguan mediat për të bërë shkrime denigruese kundër saj.

Kryemadhi u është drejtuar atyre që i ka quajtur pseudogazetarë që kur të marrin paratë nga Lulzim Basha apo ata që i financojnë për të bërë shkrimet kundër saj të shohin për origjinën e parave se mund të jenë nga financimet ruse.  

"E kuptoj që jeni të shqetësuar për fushatën denigruese dhe shpifëse ndaj meje, por mos u shqetësoni. Unë e kuptoj shumë mirë që pseudogazetarët, të cilët nuk janë gjë tjetër vecse shpërndarës që mendojnë se mund të shpërndajnë lajme siç shpërndajnë edhe gjëra të tjera, mund të ndikojnë në jetën time apo në përditshmërinë time.

Por do t’iu them vetëm dy gjëra. U bë disa kohë që portale miniaturë të vogla me shumë pak ndjekësa, që kanë burime financiare në zyra, në dizanj në mirëmbajtje në serverave, kanë marrë një fushatë denigruese ndaj meje dhe familjes sime.

Nuk kam asnjë lloj problemi, pushka top iu bëftë, por dua t’iu kujtoj vetëm një gjë: e zbulova se kush ishte investitori strategjik i tyre, dhe nuk ishte njeri tjetër veçse ish-bashkëluftëtari im i opozitës, Lulzim Basha, të cilin e vlerësoj për guximin e madh që ka, sepse është investuar edhe në mediat e “shoëbizit” në ato politike dhe gazetarë përtej politikës.

Lidhjet që ka ai si të një ish-studenti i financuar të Soros dhe me gazetarë që deri më sot janë financuar nga fondacionet e tij, por dua t’iu theksoj dy gjëra: Dosja e financimit rus për lobim në SHBA të Lulzim Bashës vërtet e ka zënë pluhuri në zyrat e SPAK, por nuk është mbyllur dhe një ditë do të hapet, në mos është hapur.

Por unë dua që ju kur i merrni ato zarfat me lekë nga Lulzim Basha apo nga ata që ju paguajnë pë të bërë shkrime kini parasysh që të dini origjinën e atyre parave, sepse kam frikë se nesër mund të thonë se me paratë dhe financimet ruse u financua media e lirë por që në fakt do të dalë se ishte media e fjalës së kapur. Mirupafshim pushka top çdo fjalë kundër meje vite jete shtohen", shprehet ajo./ CNA





Lajmet e fundit nga