web counter
LEXO PA REKLAMA!

SHKARKO APP

App Store
Google Play

Zgjidhet kreu i ri i Dhomës së Avokatisë së Tiranës/ Ja kush e merr drejtimin

22 Maj 2026, 22:40, Aktualitet CNA

Zgjidhet kreu i ri i Dhomës së Avokatisë së Tiranës/ Ja

Klodian Skënderaj është zgjedhur në krye të Dhoma e Avokatisë së Tiranës, pasi siguroi 569 vota në procesin zgjedhor për drejtimin e institucionit.

Gara për postin e kryetarit u zhvillua mes tetë kandidatëve, mes tyre Lulzim Alushaj, Sajmir Visha, Edmond Petraj, Gentjana Qendro, Malvina Lika, Mirela Biba dhe Sonila Velo.

Skënderaj merr drejtimin e Dhomës për katër vitet e ardhshme. 

Kush është Klodian Skënderaj?

Skënderaj ka përfunduar studimet universitare në Fakultetin e Drejtësisë të Universitetit të Gjenovës në Itali në vitin 2005. Më pas, në vitin 2013, ai përfundoi studimet e doktoratës në fushën e së drejtës procedurale penale, ndërsa që prej vitit 2016 mban titullin “Profesor i Asociuar”.

Ai është autor i librit “Ekzekutimi i Vendimeve Penale”, i cili përdoret si literaturë për programet Master Shkencor Penal dhe Master Profesional Penal në Fakultetin e Drejtësisë të Universitetit të Tiranës.

Prej vitit 2018, Skënderaj kontribuon si ekspert pranë Shkollës së Magjistraturës në Programin e Trajnimit Vazhdues. Paralelisht, ai ka qenë i angazhuar edhe në projekte të organizatave dhe shoqatave të ndryshme, me fokus legjislacionin procedural penal dhe të drejtën penale materiale.

Që nga shtatori i vitit 2020, ai është pjesë e Senatit Akademik të Universitetit të Tiranës. Gjithashtu, ka marrë pjesë në një sërë konferencash shkencore kombëtare dhe ndërkombëtare, ku ka prezantuar punime akademike, si dhe është autor i artikujve të botuar në revista shkencore brenda dhe jashtë vendit.





Lajmet e fundit nga