web counter
LEXO PA REKLAMA!

SHKARKO APP

App Store
Google Play

Pak orë na ndajnë! “Festa e Birrës” sjell “magji” me natën rock

19 Gusht 2022, 17:59, Aktualitet CNA
Pak orë na ndajnë! “Festa e Birrës” sjell
Foto nga "Festa e Birrës" në netët e kaluara

Vetëm pak orë kanë mbetur nga nisja e "Festës së Birrës" në qytetin juglindor të Korçës, për një tjetër natë magjike.

Sonte është nata e tretë festive në qytetin më "COOL", ku pritet të mblidhen sërish mijëra qytetarë, turistë vendas dhe të huaj për të festuar me 10 lloje birrash dhe me muzikën më të mirë.

Mbrëmja e sotme premtohet të jetë po aq e zjarrtë, pasi artistët që do të ngrohin atmosferën janë ndër më të pëlqyerit të muzikës rock. Eugent Bushpepa, Tiri Gjoci, Flashback dhe Brios Band do të performojnë live për të gjithë ju që mezi po prisni të fillojë festa.

Pak orë na ndajnë! “Festa e Birrës” sjell

Por “Festa e Birrës” nuk mbaron me kaq. Edhe dy netë të tjera në vijim ju do të keni mundësi të përjetoni emocionet dhe kënaqësitë që ju jep atmosfera në Korçë.

Nesër në Korçë do të vijë për herë të parë i ftuari surprizë, këngëtari i njohur grek, Konstantinos Argiros, i cili do të ndezë atmosferën me një koncert madhështor, së bashku me Anxhela Peristerin.

Dhe ndërkohë një natë magjike do të sjellë edhe “bisha” shqiptare Aurela Gaçe në mbrëmjen e 21 gushtit.

Mos e humbisni natën rock! Një atmosferë e shkëlqyer ju pret!/ B.A. – CNA.al





Lajmet e fundit nga