web counter
LEXO PA REKLAMA!

SHKARKO APP

App Store
Google Play

E fundit!

x

Paguajnë 5 mijë paund për firma false/ "Daily Mail" zbulon teknikat e shqiptarëve ilegalë në Britani

19 Gusht 2022, 08:50, Aktualitet CNA
Paguajnë 5 mijë paund për firma false/ "Daily Mail"
Foto ilustruese

Media britanike, "Daily Mail", ka publikuar një artikull përmes të cilit nxjerr zbuluar teknikat, që përdorin emigrantët ilegalë shqiptarë atje për t’i shpëtuar dëbimit nga Britania e Madhe.

Sipas medias britanike firmat ligjore në lidhje me bandat kriminale po paguajnë mjekë profesionistë për të ndihmuar në pengimin e dëbimit të emigrantëve shqiptarë.

“Psikoterapistët dhe psikologët paguhen për të shkruar raporte që pretendojnë se shqiptarët, në veçanti, janë shumë të brishtë mendërisht për t’u intervistuar apo ndaluar nga Home Office, pra për t'u dëbuar nga vendi”, shkruan "Daily Mail".

Një burim është shprehur për "Daily mail":

“Ka tendencë të jenë firma shumë më të vogla të përfaqësuesve ligjorë dhe këshilltarëve të emigracionit që janë të përfshirë në një lloj lidhjeje kriminale. Ajo që ne përcaktuam ishte se shqiptarët e përfshirë po paguanin këto firma ligjore që më pas paguanin disa mjekë për të nxjerrë atë raport. Ka disa firma ligjore që tani po hetohen dhe shpresojmë që së shpejti do të mbyllen. Janë gjashtë ose shtatë nga këto firma që janë shumë të njohura në këtë hapësirë". 

Disa këshilltarë ligjorë, kompanitë e të cilëve janë mbyllur, kanë mundur thjesht të rifillojnë me një emër të ri për shkak të boshllëqeve në procesin e rregullimit ligjor, kuptohet.

Në raste të tjera, privilegji ligjor – konfidencialiteti ndërmjet një avokati dhe klientit të tyre – është përdorur për të bllokuar hetimet e Home Office. Në një rast befasues, një i afërm i një shtetasi shqiptar të ndaluar i shkroi Home Office duke treguar se si i kishin paguar 5000 paundë një firme ligjore për t'i liruar të afërmin.

Sipas një raporti sekret të Inteligjencës Ushtarake, në Angli, 40% e emigrantëve në kanalin e “La Mansh-it”, që ndan Britaninë e Madhe nga kontinenti europian, janë nga Shqipëria.

Mësohet se rreth 1075 emigrantë kaluan me gomone 6 muajt e fundit, ndërsa vitin e kaluar ka qenë një shifër prej 757.

Hulumtimet e reja tregojnë se në shtatë vitet e fundit, gati gjysmë miliardë paund janë shpenzuar nga qeveria në përpjekje për të parandaluar kalimin e emigrantëve./CNA.al





Lajmet e fundit nga