web counter
LEXO PA REKLAMA!

SHKARKO APP

App Store
Google Play

E fundit!

x

Anisa Kostani trazon rrjetin/ Bejdo Malo kritikon kolegët: Gazetarët e kronikës i marrin lajmet me "WhatsApp"

19 Gusht 2022, 17:39, Aktualitet CNA
Anisa Kostani trazon rrjetin/ Bejdo Malo kritikon kolegët: Gazetarët e
Gazetari Bejdo Malo

Gazetari Gerti Shella ironizoi sot efektiven e pezulluar nga puna, Anisa Kostani, pasi fyeu dhe kërcënoi gazetarët.

Por deklaratës së tij i është përgjigjur pak më parë gazetari Bejdo Malo, i cili i jep 50% të drejtë Kostanit dhe i kërkon Shellës të mos gërvishtë plagën.

Në një status në rrjete sociale, Malo deklaron se gazetarët e kronikës nuk shkojnë fare në vendngjarje, por informacionet i marrin me "WhatsApp" nga policët, prokurorët dhe avokatët.

“Kjo vajza na e bën mirë Gerti, a e di që në Elbasan drejtori policisë është poet, vëlla gazetari dhe djalë rapsodi. Por mos harro si kjo janë 3500 vajza… E filloi Sajmir Tahiri, veshi 500 vajza patrulle se i bëri vajzë djalë patrullat e lagjeve, mërziteshin ata të patrullës dy policë. Një djalë, një vajzë kalonte orari. Të kujtohet që sa u vunë tanket në rrugë për ata që shkelnin ndalim qarkullimin e Covid dhe një të divorcuare i rranë djalin 17 vjeçar për vdekje policët. Zonja e divorcuar nga  burri dhe që e kish rritur me sakrifica djalin mezi e shpëtoi nga vdekja falë doktorëve. Po ç’ndodhi o Gerti. Doli Drejtori madh Ard Veliu dhe e bëri rreckë këtë zonjën. Ajo ishte nga Delvina dhe kishte bërë dhe tre vjet “ushtri” në Greqi. E ofendoi drejtori i policisë Ard Velia. Policat kanë të drejtë, familja e djalit copë copë, nëna tha për 10 vjet në Greqi s’mi nxë  goja as një rrugaç si thotë. Vullkan shtypi zjarr e flakë gazetarët e kronikës zezë. Po e di ç’bëri KM. I dërgoi Ard Veliun në shtëpi i kërkoi falje. Në shtëpi o teta tetë vetëm ajo dhe Ardi Veliu dhe u vendos paqja.

Gjashtë policët që e rranë dolën nga burgu, u pezulluan dy muaj dhe Zelihaja u vesh police. Sot është komisare mesa di. Shtypi fjeti për këtë pazar. Por me Zelihanë u vesh dhe kjo e gjarpërit dhe nja 1000 të tjera. Ndaj qepeni. Mos e gërvisht plagën as ti as, Tan Hoxha, as Klod Lala, dhe tërë gazetarët e kronikës së zezë. Kjo vajza 50% ka të drejtë. O Gert, gazetarët e kronikës nuk shkojnë fare në vendngjarje. Ua japin me WhatsApp lajmin policët, prokurorët, avokatët. Zihen kush t’ja dërgojë më parë Tanit dhe Klodit dhe tërë tv dhe gazetarëve. I ke parë gazetarët e kronikës së zezë, çohen nga gjumi në orën 12.00, shkojnë në studjo. Marrin drejtorin e policisë x apo y ku ndodh ngjarja ata vënë një polic ose police që i ndjek në tv. Kur folësja e tv bën pyetjen, këta të kronikës lexojnë mesazhet që u dërgojnë policat dhe flasin. Populli e ha. Pastaj deri në orën 23.00 ndërrojnë e pakta katër deri në pesë ekrane tv. Ja më thuaj kur venë në lajm këta. Të kujtohet kur punoje tek gazeta Republika apo Gazeta Shqiptare. Kur punoje o Gert, të pranonte Fatos Baxhaku dhe Genc Çobani po të mos kishe shkuar në vend ngjarje. Është bërë bajgë e lopës kala o Gert. Ja shiko fotot sa police kemi si kjo e gjarpërit. Dhe Kina na ka zili”, thekson gazetari./ B.A. – CNA.al





Lajmet e fundit nga