web counter
LEXO PA REKLAMA!

SHKARKO APP

App Store
Google Play

E fundit!

x

“Pa unitet, s’ka të ardhme”/ Klerikët fetarë japin bekimet në “Mëngjesin e Vëllazërimit”

15 Prill 2026, 15:42, Aktualitet CNA

“Pa unitet, s’ka të ardhme”/ Klerikët fetarë

Dita e tretë e Samitit të IV nisi me “Mëngjesin e Vëllazërimit” ku përfaqësues të komuniteteve fetare dhanë mesazhe bashkimi dhe urimet e tyre.

Dr. Rifat Halili, si folësi kryesor i këtij aktiviteti, trajtoi krizën globale dhe nënvizoi rëndësinë e besimit si një forcë që ndihmon njerëzit në përballimin e sfidave. Ai gjithashtu theksoi nevojën për forcimin e unitetit dhe mbrojtjen e popullit shqiptar, si dhe të drejtave të tij.

“Një botë në krizë, një thirrje për vetëdije. Narrativat përçajnë, frika zëvendëson besimin. Kur bota errësohet, njerëzit e besimit duhet të sjellin besimin. Ne duhet të japim një model. Shqiptarët janë dëshmi e mundësisë së bashkëjetesës. Historia jonë nuk është perfekte, por është e mbushur me momente kur feja dhe kombi u panë si shtylla që mbështesin njëra-tjetrën. Ajo që na ka ngjarë nuk duhet të na përcaktojë kush jemi, por ajo që angazhohemi për ta bërë Shqipërinë më të mirë. Kombi duhet të varet nga përgjegjësia, puna për të ardhmen që ndërtojmë. Shpërblimi më i madh është ajo që sjell transportimin e tij të brendshëm shpirtëror. Duke ndërtuar Shqipërinë, begatojmë shpirtin. Diaspora është sakrificë, ruajtje e shpirtit shqiptar. Shqiptarët kanë ruajtur besimin, traditën, dinjitetin. Një komb që ruan shpirtin e tij, nuk humbet kurrë. Le të themi se do ta ruajmë dinjitetin tonë, do ta kultivojmë respektin. Pa dinjitet nuk ka unitet dhe pa unitet nuk ka të ardhme. Zot, na jep forcë të mbrojmë popullin tonë dhe të drejtat tona. Na bashko dhe na bëj shembullorë!”, tha Imam Halili.

Kryegjyshi botëror bakteshian Baba Mondi uroi për bashkim si dhe bekoi flamurin shqiptar.

“Na jep urtësi që përmes besimit dhe respektit të ndërtojmë një botë më të drejtë e njerëzore. Në këtë mëngjes bekimesh, të dalim nga këtu më të bashkuar, më të fortë në shpirt dhe më të përkushtuar ndaj së mirës së përbashkët. Zoti na bekoftë të gjithëve, na bekoftë Shqipërinë dhe flamurin tonë të mrekullueshëm!”, tha Baba Mondi.

Don Kastriot Idrizi nga Bashkësia Katolike në Bruksel u lut për shqiptarët nëpër botë si dhe u bëri thirrje të mos e humbin shpresën dhe të ruajnë dashurinë me njëri tjetrin.

“Të lutemi për shqiptarët kudo në botë, diasporën tonë të çmuar, ata që kanë lënë atdheun në kërkim të një jete më të mirë, ata që ndërtojnë të ardhmen me sakrificë, për prindërit dhe të moshuarit që ruajnë rrënjët. Të mos humbasin shpresën, të ruajnë dashurinë për njëri-tjetrin dhe të ndihen të mbrojtur e në paqe. Udhëhiq mendjet e atyre që mbajnë përgjegjësi publike që vendimet e tyre të jenë në dobi të paqes”, tha ai.

Në përmbyllje të “Mëngjesit të vëllazërimit”, mesazhet e përçura nga përfaqësuesit e komuniteteve fetare sollën një thirrje të përbashkët për unitet, besim dhe shpresë. Në një kohë sfidash globale, u theksua se forca e shpirtit, solidariteti dhe dashuria për njëri-tjetrin mbeten themeli më i fortë për të ecur përpara./ CNA





Lajmet e fundit nga