web counter
LEXO PA REKLAMA!

SHKARKO APP

App Store
Google Play

Miratimi i ligjit për portet turistike/ Reagon delegacioni i BE-së në Tiranë

15 Prill 2026, 13:13, Aktualitet CNA

Miratimi i ligjit për portet turistike/ Reagon delegacioni i BE-së

Delegacioni i Bashkimit Europian në vendin tonë ka bërë një reagim lidhur me miratimin e ndryshimeve në ligjin për portet turistike.

Në deklaratën për mediat, delegacioni shprehet se ndryshimet duhet të vlerësohen nga afër nga ata, vëçanërisht në fushën e prokurimit publik dhe përputhshmërinë e tyre me legjislacionin e BE-së.

Ndër të tjera thuhet se teksti i ri përfshin dispozita të pranishme në Ligjin për Investitorët Strategjikë. Sipas tyre, ky është një ligj që pritet të shfuqizohet si pjesë e hapave të Agjendës së Reformave dhe në kuadër të kushteve përmbyllëse për Kapitullin 27.

"Ne jemi në dijeni se Parlamenti miratoi ndryshime në Ligjin 'Për portet turistike në Republikën e Shqipërisë'. Ndryshimet do të duhet të vlerësohen nga afër nga shërbimet tona, veçanërisht në fushën e prokurimit publik dhe përputhshmërinë e tyre me legjislacionin e BE-së, i cili kërkon procedura transparente dhe konkurruese për dhënien e koncesioneve, përfshirë edhe për portet.

Gjithashtu kuptojmë se teksti i ri përfshin dispozita të pranishme në Ligjin për Investitorët Strategjikë. Ky është një ligj që Shqipëria pritet ta shfuqizojë si pjesë e hapave të Agjendës së Reformave dhe në kuadër të kushteve përmbyllëse për Kapitullin 27. Shqipëria duhet të përmbahet nga çdo hap që bie ndesh me këto angazhime", thuhet në reagimin e delegacionit.

Pas një seance maratonë, në seancën e 9 prillit mazhoranca miratoi me 76 votat pro, projektligjin për portet turistike. /CNA





Lajmet e fundit nga