web counter
LEXO PA REKLAMA!

SHKARKO APP

App Store
Google Play

Skema mashtruese dhe fshehje e të ardhurave/ Prokuroria bllokon llogaritë bankare të gjashtë shoqërive

15 Prill 2026, 10:42, Aktualitet CNA

Skema mashtruese dhe fshehje e të ardhurave/ Prokuroria bllokon

Prokuroria e Tiranës ka sekuestruar dhe bllokuar llogaritë bankare të 6 shoqërive, të dyshuara për veprat penale “Krijimi i skemave mashtruese në lidhje me TVSH” dhe “Fshehja e të ardhurave”.

Sipas njoftimit të prokurorisë, totali i shumës së bllokuar arrin mbi 73 milionë lekë.

Dyshohet se këto subjekte kanë qenë pjesë e një skeme të organizuar, ku janë lëshuar dhe përdorur fatura për punime dhe shërbime të pakryera realisht, me qëllim përfitimin e padrejtë të TVSH-së dhe uljen e detyrimeve fiskale.

Ndërkohë vijojnë hetimet për identifikimin e plotë të personave të përfshirë.

Njoftimi i prokurorisë:

Prokuroria Tiranë sekuestron dhe bllokon 73 mln lekë llogari të 6 shoqërive, të dyshuara për veprat penale “Krijimi i skemave mashtruese në lidhje me TVSH” dhe “Fshehja e të ardhurave”.

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm në Tiranë u vendosën sekuestro preventime dhe bllokim i menjëhershëm i llogarive bankare për gjashtë shoqëri me një total prej 73.051.436 lekë.

Nga hetimet e Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, rezultoi se këto subjekte kanë përdorur fatura fiktive me qëllim shmangjen e detyrimeve tatimore.

Këto subjekte dyshohet se kanë qenë pjesë e një skeme të organizuar, ku janë lëshuar dhe përdorur fatura për punime dhe shërbime të pa kryera realisht, me qëllim përfitimin e padrejtë të TVSH-së dhe uljen e detyrimeve fiskale.

Për këtë arsye, u vendos sekuestro preventive dhe bllokim i menjëhershëm i llogarive bankare për disa shoqëri, me vlera të konsiderueshme monetare si më poshtë

• “OLT-FLOR” shpk – në vlerën 6,479,834 lekë;

• “OLTI-Group” shpk – në vlerën 1,542,834 lekë;

• “ALBAVIA” shpk – në vlerën 23,056,593 lekë (TVSH + TF);

• “Kukës Chrome Minerals” shpk – në vlerën 24,570,607 lekë (TVSH + TF);

• “Troci 2005” shpk – në vlerën 10,521,085 lekë (TVSH + TF); dhe

• “STANDART” shpk – në vlerën 6,880,483 lekë (TVSH + TF).

Nga analiza financiare rezultoi se vlera e transaksioneve të dyshuara shkon mbi 73 milionë lekë, ndërsa dëmi i mundshëm ndaj buxhetit të shtetit lidhet me mosdeklarimin dhe shmangien e pagesës së tatimeve.

Në këtë fazë të procedimit, organet është urdhëruar:

• Sekuestrimin e llogarive bankare në disa banka të nivelit të dytë;

• Bllokimin e menjëhershëm të tyre për të parandaluar lëvizjen e fondeve;

• Vijimin e hetimeve për identifikimin e plotë të personave të përfshirë.

Hetimet vijojnë për veprat penale “Krijimi i skemave mashtruese në lidhje me TVSH” dhe “Fshehja e të ardhurave”, ndërsa nuk përjashtohet marrja e masave të tjera procedurale në vijim. /CNA





Lajmet e fundit nga