Institucionet u paralajmëruan/ Fasadat e pallateve me materiale jashtë standardeve

14 Prill 2026, 22:33, Aktualitet CNA

Institucionet u paralajmëruan/ Fasadat e pallateve me materiale jashtë

Fasadat e pallateve në Tiranë janë jashtë standardeve teknike dhe për këtë arsye rrezikohen nga djegia. Këtë paralajmërim shprehu Shoqata e Gjeodetëve të Shqipërisë rreth dy vite më parë, nënjë dokument drejtuar institucionit të Kuvendit të Shqipërisë.

Paralajmërim, që mesa duket, kaloi pa u marrë në konsideratë, teksa një problematikë e tillë është përsëritur për të disatën herë dhe rasti më i fundit ishte ai i pasdites së kësaj së marte, kur një kompleks banimi u përfshi nga flakët në zonën përballë “Farmacisë 10” në kryeqytet.

Institucionet u paralajmëruan/ Fasadat e pallateve me materiale jashtë

Sipas gjeodetëve, një paralajmërim i tillë shërben jo vetëm për marrjen e masave që do t’u shërbejnë inxhinierëve, por edhe për të parandaluar situata që mund të agravojnë deri në hubje jetësh.

“Në cilesinë e Kryetarit te Shoqatës së Gjeodetëve të Shqipërisë, kërkoj informacion se në çfarë faze ka ngelur Projekt-Ligji për krijimin e Urdhërit të Inxhinierit.

Marrë shkas nga problematika e rëndë që ka ka ndodhur kohët e fundit, dhe konkretisht:

1. Dalja nga rruga e drejtuesit të mjetit në qytetin e Beratit, ku humbi jetën drejtuesja e mjetit bashkë me fëmijën, si mezultat që në vend te barjerave mbajtëse ishin vendosur barjera dekorative.

2. Djegja e fasadës së pallatit në Tiranë, nga përdorja e materialeve jashtë standarteve teknike.

Shembja e të ashtuquajturës urë në rrugën Korçë-Ersekë, pavarsisht se ishte parajlajmëruar here pas here se projekti ishte fiktiv dhe nuk ishin marrë parasysh kushtet klimatike të zonës.

4. Liçensimi nga Komisjoni i Liçensimit të teknikve me arsim të mesëm, duke i dhënë atributet e Inxhinierëve.

Si rezultat i punëve të dobta në ndërtim, jashtë çdo kushti teknik, si në projektim, zbatim apo mbikqyrje të punimeve, Urdhëri i Inxhinierit do disiplinoje shumë herë më shumë punët në ndërtim.

Vonesa e këtij urdhëri në shkelje flagrante me ligjin, duke mos e miratuar vite e vite me rradhë, po sjellë pasoja të rënda në fushën e ndërtimeve në Shqipëri, por edhe të inxhinierëve që kërkojnë të respektojnë standartet në fushën e inxhinierisë, ka sjellë pasoja, ku në raste të caktuar dhe me humbje njerëzish”,-shkruhet në kërkesë./CNA