web counter
LEXO PA REKLAMA!

SHKARKO APP

E fundit!

x

“BE faktoi qëndrimin e PD”/ Bozdo: Ligji për portet turistike bie ndesh me parimet e konkurrencës

15 Prill 2026, 15:25, Aktualitet CNA

“BE faktoi qëndrimin e PD”/ Bozdo: Ligji për portet

Nënkryetari i Komisionit të Ekonomisë në Kuvend, Eno Bozdo ka deklaruar se, Bashkimi Europian ndaj të njëjtin qëndrim si dhe Partia Demokratike, në lidhje me ligjin e ri të miratuar nga PS për portet turistike.

Në një reagim, Bozdo nënvizon se, ky ligj bie ndesh me parimet e konkurrencës dhe transparencës së Bashkimit Evropian.

“BE sot faktoi qëndrimin e Partisë Demokratike:

Ligji i Porteve Turistike nuk është vetëm klientelist, ashtu siç është edhe Ligji për Investimet Strategjike, por mbi të gjitha bie ndesh me parimet e konkurrencës dhe transparencës së Bashkimit Evropian!

Jo më larg se e enjtja e kaluar, deputetët e PD e denoncuan në Kuvend këtë ligj si korruptiv dhe anti BE!

PS nuk deshte të dëgjonte asnjë nga argumentat tanë. Madje e mbrojti me forcë projektligjin! Kjo tregon sa larg është kjo mazhorancë nga vlerat e BE-së, dhe se retorika e saj mbi integrimin evropian është e gënjeshtërt!

Edi Rama e do BE-në për të mashtruar opinionin, por nuk i do aspak standardet e saj qeverisëse, antikorrupsion dhe pro ekonomisë konkurruese”, shkruan Bozdo./ CNA





Lajmet e fundit nga