web counter
LEXO PA REKLAMA!

SHKARKO APP

Operacioni i SPAK-ut/ Vendosen nën sekuestro pasuritë e lidhura me Mir Pepën

15 Prill 2026, 14:00, Aktualitet CNA

Operacioni i SPAK-ut/ Vendosen nën sekuestro pasuritë e lidhura me Mir

Janë zbadhur detaje lidhur me operacionin e zhvilluar nga Prokuroria e Posaçme për goditjen e grupit kriminal që trafikonte lëndë narkotike nga jashtë në Shqipëri.  

Në kuadër të operacionit janë lëshuar disa urdhër-arreste, të firmosura nga prokurori Alfred Shehu. Ndër personat për të cilët është lëshuar urdhër-arrest është edhe biznesmeni Jetmir Pepa (Marashi) i njohur si pronari i kompanisë "Pepa Group".

Sipas gazetares Klodiana Lala, SPAK-u ka vendosur nën sekuestro preventive shoqërinë “Pepa Group" në pronësi të Mir Pepës dhe pasuritë e lidhura me të, të cilat dyshohet se burojnë nga të ardhurat e trafikut të drogës.

“Mir Pepa, kreu i grupit kriminal që koordinonte trafikun e drogës. Ndërkohë në Tiranë, Durrës dhe ku është ndërmarrë aksioni janë arrestuar disa të dyshuar. Aksioni vijon për kontrollin e bazave dhe dhjetëra kompanive që dyshohet se janë pronë direkte apo indirekte të zotëruara nga anëtarët e këtij grupi kriminal.

SPAK-u ka firmosur sekuestro preventive ndaj shoqërisë 'Pepa Group', duke përfshirë sekuestrimin e çdo pasurie të luajtshme apo të paluajtshme të lidhur me të. Dyshohet që rrjedhin nga aktiviteti kriminal i trafikut të lëndëve narkotike”, u shpreh gazetarja Lala.

Operacioni është kryer në kuadër të hetimeve për një procedim penal, që lidhet me krimin e organizuar, trafikun e lëndëve narkotike dhe pastrimin e produkteve të veprës penale. /CNA





Lajmet e fundit nga