web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër drejtoreshë e Veliajt në “rrjetën” e SPAK-ut/ Erinda Finos i sekuestrohet telefoni

5 Tetor 2024, 13:52, Aktualitet CNA
Një tjetër drejtoreshë e Veliajt në
Erinda Fino dhe Erion Veliaj

Prej disa muajsh, CNA ka raportuar se SPAK ka thelluar hetimet për drejtorët e Bashkisë së Tiranës, e cila drejtohet nga Erion Veliaj.

Tashmë, në “rrjetën” e SPAK-ut duket se ka rënë një tjetër drejtoreshë e Veliajt.

Bëhet fjalë për Erinda Finon drejtoreshën e Përgjithshme të “Tirana Parking”, e cila më parë ka mbajtur edhe detyrën e Drejtueses së Agjencisë së Parqeve dhe Rekreacionit.

Sipas gazetarit Edison Vatnikaj, Prokuroria e Posaçme ka ushtruar kontroll dhe me një mandat të lëshuar nga Gjykata e Posaçme i ka sekuestruar telefonin Erinda Finos.

Një tjetër drejtoreshë e Veliajt në
Erinda Fino dhe Erion Veliaj

Drejtoresha e Veliajt dyshohet se ka kryer shpërdorim detyre dhe është denoncuar për tenderat e dhënë në mënyrë të dyshimtë.

Kujtojmë se ky nuk është i vetmi aksion i SPAK-ut për drejtorët e Veliajt.

Një muaj më parë, oficerët e BKH-së, me urdhër të SPAK-ut sekuestruan gati dy kamionë me dokumente në Bashkinë e Tiranës për disa çështje që janë në hetim.

Theksojmë se një nga çështjet më madhore është ajo e inceneratorëve, pasuar nga dosja 5D për të cilën ka dhjetëra persona të arrestuar dhe shumica e bashkëpunëtorëve të ngushtë të Erion Veliajt, zyrtarë të lartë të Bashkisë së Tiranës ndodhen pas hekurave./ CNA





Lajmet e fundit nga