web counter
LEXO PA REKLAMA!

SHKARKO APP

App Store
Google Play

Përmbytjet në Vlorë/ Vengu: Dërguam 2 motovarka dhe 2 motopompa, 30 ushtarë në terren

4 Tetor 2024, 19:39, Aktualitet CNA

Përmbytjet në Vlorë/ Vengu: Dërguam 2 motovarka dhe 2

Ministri i Mbrojtjes, Pirro Vengu ka reaguar për situatën në vend pas rrebeshit të shiut, që ka shkaktuar problematika të shumta.

Vengu bën me dije se në mbështetje të Bashkisë Vlorë ka dërguar me 2 motovarka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake.

Ai deklaron se Agjencia Kombëtare e Mbrojtjes Civile po koordinon dhe organizon strukturat operacionale ne nivel vendor dhe qendror.

“Moti i keq, i shoqëruar me intensitet reshjesh të pazakontë në disa zona të vendit ka shkaktuar problematika të ndryshme.

Në Vlorë, situata u rëndua si pasojë e prurjeve të mëdha, ndërsa problematika janë regjistruar në stacionet e pompimit. Në këto kushte, Agjencia e Kombëtare e Mbrojtjes Civile dhe Forcat e Armatosura, pas thirrjes për mbështetje nga pushteti vendor, dhanë mbështetjen me 2 moto varka, 2 ekipe të pajisur me 2 motopompa, 8 mjete të kalueshmërisë së lartë dhe 30 forca ushtarake.

Gjithashtu, për t’i ardhur në ndihmë komunitetit pranë Bashkisë Vlorë, Agjencia Kombëtare e Mbrojtjes Civile po koordinon dhe organizon strukturat operacionale ne nivel vendor dhe qendror, ku nga Forcat e Armatosura janë nisur edhe 6 forca e 2 mjete nga Reparti i Këmbësorisë së Jugut.

Mbetemi në monitorim të situatës gjatë orëve në vazhdim”, thekson ministri i Mbrojtjes./ CNA





Lajmet e fundit nga