E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Një regjistër për të gjitha institucionet, kod unik për banesat, bizneset e ndërtesat

13 Mars 2024, 14:15, Aktualitet CNA

Një regjistër për të gjitha institucionet, kod unik për

Këshilli i Ministrave ka miratuar vendimin që ka të bëjë me ndryshime të rëndësishme në ligjin për sistemin e adresave në Republikën e Shqipërisë. Ministri i Brendshëm, Taulant Balla, deklaroi se do të krijohet një regjistër unik, ku do të referohen të gjitha institucionet. Ky regjistër do të zgjidhë përfundimisht jo vetëm problematikën e shërbimeve për qytetarët, por edhe për turistët për të gjetur lehtësisht një adresë.

“Bëhet fjalë për krijimin e një regjistri unik. Pas miratimit të ligjit dhe akteve të tjera nënligjore, do të kemi një regjistër unik të adresave që do të referohen të gjitha institucionet, në patronitetin e Ministrisë së Brendshme.

Çdo banesë, çdo biznes, çdo ndërtesë do të ketë një kod unik të pareplikueshëm në Republikën e Shqipërisë. Kjo na mundëson që t'u japim zgjidhje përfundimtare problematikave që lidhen së pari me ofrimin e shërbimeve të duhura te qytetarët, e dyta ka të bëjë me lehtësimin e mbërritjes në adresë, jo vetëm të shërbimit postar, por edhe turistëve.

Një nga problematikat që kanë ngritur vitet e fundit turistët që kanë vizituar Shqipërinë, të cilët janë të mirëseardhur dhe këtë vit do të kemi një tjetër shifër historike, ne mundësojmë që përmes këtij kodi unik të banesës, të hotelit, të apartamentit në Airbnb, të jetë lehtësisht i arritshëm.

Të gjithë qytetarët ta frekuentojnë që tani "adresari.mb.gov.al", është një mundësi e duhur për çdo qytetar ka një problematikë për të gjetur një adresë të caktuar për të gjetur në Republikën e Shqipërisë. Kjo mundësi do të përmirësohet më tej, e ftoj Kuvendit t'i miratojë sa më shpejt ndryshimet, që të kemi mundësi ta përmirësojmë këtë sistem.

Ne do të punojmë fillimisht me "Google", pastaj me kompanitë e tjera për të aksesuar menjëherë kodin unik, dhe përmes këtij kodi unik për t'u drejtuar në adresën apo ndërtesën, apo hotelin ku një qytetar do të shkojë”./Monitor