web counter
LEXO PA REKLAMA!

SHKARKO APP

App Store
Google Play

"Një nga goditjet që iu bë interesit qytetar"/ Berisha: Reforma territoriale e PS-së solli spastrimin e vendit

31 Mars 2026, 12:10, Aktualitet CNA

"Një nga goditjet që iu bë interesit qytetar"/ Berisha:

Kryetari i PD-së, Sali Berisha, është shprehur se Reforma Territoriale e bërë pas ardhjes në pushtet të PS-së, goditi rëndë interesat e qytetarit shqiptarë dhe zhvillimin e vendit.

Berisha tha se kjo reformë kishte kriter vetëm vjedhjen e votën dhe fshiu dhjetëra bashki e komuna. Sipas tij, gjithçka që solli reforma ishte largimi i shqiptarëve nga vendi.

“Reforma apo shkatërrimi që iu bë qeverisjes vendore pas ardhjes në pushtet të partisë së krimit, është një nga goditjet më të rënda që iu dha interesave të qytetarit shqiptar, që iu dha zhvillimit të vendit në mënyrën më absurde që shkon gjer në një krim kombëtar në Shqipëri, vendin që rreth 75-80% të territorit të saj e ka malor dhe kodrinor, u vendos një model që nuk ekziston gjëkundi, as në vendet më të sheshta të botës.

Pra, ky vend me territorin më malor u vendos në një model të fshirjes së popullatës nga këto territore. Dhe sot që kryeinjoranti, dhe jo vetëm një kryeinjorant, por është një armik që bëri këtë reformë, zbaton Paketën e Maleve në Maminas. Se atje ku janë malet, banorë nuk ka më, ose nuk ka shumë banorë. Nuk ka më vlerë asnjë investim atje me këtë akt që ky bëri.

Antireforma që iu bë qeverisë vendore kishte dy kritere themelore: vjedhjen dhe votën. U shuan me një të rënë të lapsit me dhjetëra e dhjetëra komuna dhe bashki kundërshtare, dhe u bënë ndarje të tilla, ku në një korpus prej 1 milion banorësh ka vetëm 4 njësi të qeverisë vendore, dhe në një korpus me 120 mijë banorë ka 7 njësi të qeverisjes vendore. Krahasimi është Tirana dhe Gjirokastra. A mund të imagjinoni ju, në një kohë kur Kashari është qyteti i 9-të në vitin 2011, ka qenë qyteti më i madh i Shqipërisë në banorë, në regjistrimin e vitit 2011. Se regjistrimi i fundit është i falsifikuar, asnjë shqiptar e ftoj të mos i referohet, se janë shifra të gatuara një vit rresht në institutin e mashtrimit të statistikave.

Pra, nuk ka paralel. Në qoftë se merr Zvicrën, një vend malor, ka 2110 bashki. Në qoftë se merr, Austrinë një nga vendet më malore, ka 2095 bashki, apo njësi të qeverisjes vendore. Kurse, Shqipëria me dy pëllëmbë fushë dhe tërësisht mal e kodër, nga 410 njësi të qeverisjes vendore u reduktuan në 60 bashki të vendit. Rezultati është katastrofal.

Në qoftë se shkon në të gjitha territoret rurale, koha është e ndaluar. Ndalon koha kur investohet në infrastrukturë, ndalon koha kur infrastruktura shkatërrohet, ndalon koha kur banorët largohen. Largohen, largohen masivisht. Procesi i urbanizimit është një ligj i zhvillimit, por kur ky ndodh për shkak të kushteve të papërshtatshme jetësore, ky është spastrim etnik. Ata ikin. Sepse çfarë kishte platforma e Çubrilloviçit: mos ndërto rrugë, mos ndërto shërbime, mos ndërto shkolla. Kjo është ajo. Nuk është e tëra: vriti, vriti. Jo, nuk është ashtu. Dhe mërziti që të largohen. Thelbi i platformës së Çubrilloviçit për shqiptarët në Kosovë është të mërziten që të largohen nga vendi i tyre. Edhe këtu antireforma e Edi Ramës është një komponent thelbësor i platformës së Çubrilloviçit për spastrimin e Shqipërisë”, u shpreh Berisha. /CNA





Lajmet e fundit nga