web counter
LEXO PA REKLAMA!

SHKARKO APP

App Store
Google Play

E fundit!

x

Nga frenimi i shpopullimit tek autonomia e pushtetit vendor/ Zbardhen objektivat e PD-së për Reformën Territoriale

31 Mars 2026, 11:43, Aktualitet CNA

Nga frenimi i shpopullimit tek autonomia e pushtetit vendor/ Zbardhen objektivat

Partia Demokratike ka zhvilluar ditën e sotme një takim të hapur në kuadër të Reformës Territoriale.

Nënkryetari i PD-së dhe njëkohësisht bashkëkryetar i Komisionit të Posaçëm për Reformën Territoriale, Luçiano Boçi ka treguar gjatë fjalës së tij objektivat e PD-së për reformën.

Boçi u shpreh se thelbi është rritja e numrit të bashkive dhe krijimi i tyre ku ka distanca. Ai tha se kjo është një zgjidhje e fortë, për shkak se sipas tij rikthehen shërbimet bazë pranë qytetarit.

“Objektivat e Partisë Demokratike për këtë reformë janë frenimi i shpopullimit të vendit, funksion, decentralizim dhe autonomi për pushtetit vendor, shërbim deri te qytetari më i largët, europianizim të pushtetit vendor. Kjo arrihet përmes dhe rritjes së numrit të bashkisë sidomos në zonat me mungesë shërbimesh. Thelbi është krijimi i bashkive të reja aty ku ka distanca. Zgjidhja jonë është e fortë sepse rikthen shërbimet bazë pranë qytetarit, rrit llogaridhënien, forcon demokracinë vendore, nuk krijon kosto të larta shtesë. Ne konsiderojmë alternimin e rritjes së numrit të bashkive me rolin e rajoneve apo qarqeve për të shkuar te decentralizimi real”, u shpreh Boçi. /CNA





Lajmet e fundit nga