web counter
LEXO PA REKLAMA!

SHKARKO APP

App Store
Google Play

E fundit!

x

Nisin aplikimet për ndarjen e plazheve/ Do të caktohen dhe stacionet e ankorimeve për mjetet lundruese

5 Nëntor 2022, 12:38, Aktualitet CNA

Nisin aplikimet për ndarjen e plazheve/ Do të caktohen dhe stacionet e

Kanë nisur nga 1 nëntori aplikimet  për menaxhimin e përkohshëm të parcelave të plazhit gjatë sezonit turistik veror 2023.

Për gjitha subjektet që disponojnë strukturë akomoduese/shërbimi dhe dëshirojnë të aplikojnë për marrje në përdorim të hapësirës së plazhit për ushtrimin e veprimtarisë si 'Stacion Plazhit', sistemi i aplikimit do të jetë i hapur deri në datën 30. 11. 2022 dhe nuk do të ketë një shans tjetër për të aplikuar. Çdo parcelë për të cilën nuk do të aplikohet, do të kalojë automatikisht në parcelë publike.

Ministrja e Turizmit dhe Mjedisit, Mirela Kumbaro është shprehur se palët e interesuara për menaxhimin e stacioneve të plazhit, ndër të tjera duhet të përmbushin kriteret ligjore të rojes bregdetare dhe të kenë shlyer detyrimet tatimore e lokale.

Nisin aplikimet për ndarjen e plazheve/ Do të caktohen dhe stacionet e

Po nga 1 nëntori, ka nisur online aplikimi për stacionet sezonale të ankorimeve për mjetet lundruese. Dokumentacioni i nevojshëm për të aplikuar do të dorëzohet pranë Agjencisë Kombatare të Bregdetit dhe duhet të përmbushë anën adiministrativo-ligjore, anën teknike, kushtet financiare dhe dokumentacionin për ndikimin mjedisor. Afatet për të aplikuar janë deri në datën 30 nëntor.

Sipas ministres Kumbaro, stacionet e ankorimit/ bregëzimit, do të jenë të përhapura në gjithë vijën e bregdetit, prandaj pasi është kryer një proces i kujdesshëm ndërinstitucional, në çdo bashki bregdetare janë përcaktuar stacionet e mundshme për ankorim dhe subjektet mund të aplikojnë për t’i marrë në menaxhim të përkohshëm./CNA.al





Lajmet e fundit nga