web counter
LEXO PA REKLAMA!

SHKARKO APP

App Store
Google Play

E fundit!

x

Nis viti i ri akademik në Akademinë e Forcave të Armatosura/ Peleshi, mesazh për studentët

17 Tetor 2022, 15:49, Aktualitet CNA
Nis viti i ri akademik në Akademinë e Forcave të Armatosura/
Ministri i Mbrotjes, Niko Peleshi

Nisi sot viti i ri akademik edhe për studentët dhe kursantët e Akademisë së Forcave të Armatosura.

Në ceremoninë e zhvilluar me këtë rast, Ministri i Mbrotjes, Niko Peleshi, e cilësoi Akademinë e FA-së një nga projektet prioritare të Ministrisë së Mbrojtjes që po avancon në bashkëpunim edhe me partnerin strategjik, SHBA.

Peleshi uroi studentët dhe stafin pedagogjik për një vit të mbarë, ndërsa njoftoi edhe investimin e ri që po kryhet në mbështetje të Akademisë së FA.

“Po punojmë për ndërtimin e kampusit të ri të AFA me të gjithë parametrat. Është duke përfunduar master plani, aty ku sot është Batalioni i Mbështetjes, kemi në përfundim procedurat për lidhjen e kontratës dhe fillimin e ndërtimit të godinës së parë. Jam i bindur që në rajon do të jetë projekti më i mirë, më i bukur dhe më i plotë”, u shpreh ai.

Në situatën e re të sigurisë, Peleshi tha se sfidë është edhe ngritja e nivelit të kërkimit shkencor.

Nis viti i ri akademik në Akademinë e Forcave të Armatosura/

“Ne duam ta bëjmë AFA realisht avangardë të mendimit shkencor, të dijes, të karakterit. Synojmë që të përgatisim këtu ekselencën karakteriale, por edhe të dijes shqiptare, të japim shembujt dhe modelin më të mirë të patriotëve të vërtetë me vepra dhe jo me fjalë. Ne po ndërtojmë qendrën e Inovacionit, e cila po merr jetë dhe shumë shpejt do të jetë funksionale”, deklaroi Ministri i Mbrojtjes.

Sipas Peleshit, teknologjia duhet të jetë fjala kyçe e ristrukturimit të Akademisë së FA, duke përmendur këtu faktin se për pak muaj Shqipëria do të ketë një flotë dronësh të teknologjisë së fundit për botën ushtarake, por edhe civile, të cilat do të përdoren si burim informacioni për shërbime të ndryshme të institucioneve të vendit.

Ministri theksoi se brenda FA nga prej 1 viti ka filluar programi i masterit të sigurisë kibernetike, një disiplinë që është bërë e së tashmes, për shkak edhe të sulmit kibernetik, nga i cili u prek vendi ynë.

Nis viti i ri akademik në Akademinë e Forcave të Armatosura/

“Duhet t’i kontribojmë sistemit të sigurisë kibernetike, si pjesë e sigurisë kombëtare edhe ne si institucion i edukimit ushtarak duke prodhuar ekspertë, specialistë të kësaj fushe. Kemi shpallur 7 vende pune për specialistë të sigurisë kibernetike dhe më vjen mirë që ka shumë interes”, bëri të ditur ministri Peleshi, duke shtuar se qeveria ka miratuar paga speciale për këtë sektor.

Në nisje të vitit të ri akademik Ministri i Mbrojtjes prezantoi edhe Komandantin e ri të Akademisë së Forcave të Armatosura gjeneral brigade Bilbil Bitri. Në ceremoninë e organizuar ishte i pranishëm edhe Shefi i Shtabit të Përgjithshëm të FA gjeneral brigade Arben Kingji, studentë, kursantë si dhe stafi pedagogjik i AFA./ B.A. - CNA.al





Lajmet e fundit nga