E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Alibeaj të tregojë çfarë trimërie kanë bërë të parët e vet, pastaj le t'i shkallmojë dyert e dosjeve

17 Tetor 2022, 13:17, Aktualitet CNA

Alibeaj të tregojë çfarë trimërie kanë

Sot është zhvilluar mbledhja e Komisionit të Ligjeve ku po shqyrtohet projektligji “Për një ndryshim në ligjin nr.45/2015 “Për të Drejtën e Informimit për dokumentet e Ish-Sigurimit të Shtetit të Republikës Popullore Socialiste të Shqipërisë”, të ndryshuar.

Deputeti i Partisë Demokratike, Enkelejd Alibeaj, i ka kërkuar deputetëve të Kuvendit të Shqipërisë që të bien dakord për hapjen e plotë të dosjeve të ish-sigurimit të shtetit.

Kjo nismë e depozituar si nismë personale e Alibeajt është në vijim të vetëreklamimit të Enkeledit si ish-i persekutuar.

Thirrja për Enkeledin mbetet e qartë:

Enkeledi që të na bindë se është ish-i persekutuar duhet të tregojë, rrëfejë, shkruajë, dëshmojë historinë e të parëve të tij.

Enkeledi duhet të na thotë çfarë trimërie kanë bërë të parët e Enkeledit si kundërshtarë të regjimit komunist, që regjimi i persekutoi ata dhe Enkeledin.

Nismat bën mirë që i depoziton, por jo kur i personalizon si i vetmi i persekutuar që e ka seriozisht betejën me komunizmin.

Gjatë shqyrtimit të ndryshimeve ligjore të propozuara prej vetë atij, siç e reklamon në faqen e tij të "Facebook", Alibeaj ka shtuar se është dakord vetëm me një kufizim për hapjen e dosjeve, atë të moscenimit të sigurisë kombëtare.

“Momenti është tani, sidomos te neni 29 i shumëpërfolur. Ai përmbys të gjitha dispozitat e ligjit të dosjeve, që vendosin kufizime në hapjen e tyre. Të shkallmohet dera, që mban të mbyllura dosjet e sigurimit, juve thoni hajde shohim këto frëngjitë e vogla e ndërkohë publiku mbetet në errësirë.

Është paraqitur sipas procedurës. Edhe kur hidhen nenet në votim hidhet i pari amendamenti që është më i largët, pra ky i joni. Dosjet të hapen pa asnjë kufizim, pra vetëm me kufizimin që të mos cenohet siguria kombëtare. Me këtë jam dakord.

Ajo që po pretendojmë ne është shumë herë më tepër, jo vetëm të kontrollohet, por të mos kontrollohet nga një dotë e vetme”, është shprehur Alibeaj.

Enkelejdi bën shumë mirë që lufton komunizmin në vitin 2022, por përpara se të na trondisë me shkallmim dyersh, duhet të na trondisë me historinë e persekutimit të familjes së tij./CNA.al