web counter
LEXO PA REKLAMA!

SHKARKO APP

App Store
Google Play

Ngjarja në kampin MEK “nxeh” situatën në parlament/ Balla përplaset me Berishën: Mbylljani këtij zhurmuesit

22 Qershor 2023, 10:33, Aktualitet CNA

Ngjarja në kampin MEK “nxeh” situatën në parlament/

Kreu i grupit parlamentar të PS-së, Taulant Balla, ka replikuar menjëherë pas kërkesës së ish-kryeministrit Sali Berisha për dorëheqjen e ministrit të Brendshëm, Bledi Çuçi, në lidhje me ngjarjen në kampin MEK në Manzë të Durrësit.

Balla ka sulmuar Berishën duke kërkuar që t'i mbyllet mikrofoni duke e quajtur dhe zhurmues.

Në lidhje me ngjarjen në kamp është shprehur se kjo çështje i përket drejtësisë dhe duhet të distancohet nga politika.

“Ka një formë për prezantimin e kërkesave për ndryshim të rendit të ditës.Teknika, mbylljani içik këtij zhurmuesit. Ky që bën se i dhemb barku bën të njëjtën gjë sa herë drejtësia bën detyrën e vet. Kuvendi nuk mund të ndërhyjë në çështje që i takojnë drejtësisë. Koha kur politika apo vetë kuvendi përfshihej në çështjet e drejtësisë ka marrë fund një herë e përgjithmonë. Kjo është një çështje ku policia e shtetit ka zbatuar pikë për pikë vendimin e prokurorisë. Përdorimi për qëllime politike është diçka që ka 32 vite që ky vend dhe ky popull e di fare mire. Personi që sapo foli bën korbin bën skifterin. Nuk mund të hedhim në votim diçka që nuk ekziston”, tha Balla./ CNA





Lajmet e fundit nga