web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në kampin e MEK/ Blendi Çuçi: Anëtarët e organizatës ushtruan dhunë ndaj policisë

20 Qershor 2023, 17:21, Aktualitet CNA

Tensionet në kampin e MEK/ Blendi Çuçi: Anëtarët e

Ministri i Brendshëm, Blendi Çuçi ka dalë në një deklaratë për mediat për ngjarjen në kampin e MEK në Manëz të Durrësit.

Çuçi tha se anëtarët e organizatës MEK ushtruan dhunë të patolerushme ndaj policisë.

"Për të sqaruar disa aspekte në kontrollin që është ushtruar sot në MEK. Dua t’iu them që ndihem i keq ardhur edhe madje i indinjuar me reagimin e anëtarëve të organizatës MEK ndaj policisë së shtetit gjatë aksionit. Ndihem i keqardhur se Shqipëria u ka ofruar gjithçka që lidhet me strehimin e tyre për qëllim humanitar sipas marrëveshjes. Iu ka ofruar ndihmë, siguri, madhe iu ka ofruar edhe mbrojtje ndaj kërcënimeve që vinin nga shërbimet sekrete të Iranit. Ata për më shumë se 3 mijë ditë kanë jetuar në siguri të plotë në garancinë tonë. E paimagjinueshme dhuna dhe reagimi që kanë bërë ndaj Policisë së Shtetit", u shpreh ai.

Ministri i Brendshëm deklaroi se SPAK veproi vetëm pasi kishte dyshime për aktivitet të jashtëligjshëm.

"Ashtu siç duhet të veprojë çdo institucion ligjzbatues në Shqipëri SPAK-u kur ka pasur dyshime i është drejtuar gjykatës për të bërë një kontroll brenda kampit që është territor shqiptar si gjithë të tjerat. GJKKO mori vendimin brenda gjithë ligjeve për kontrollin dhe konfiskimin e pajisjeve.  Askush në Shqipëri, përfshirë edhe anëtarët e organizatës së MEK që janë strehuar për qëllime humanitare, nuk ka të drejtë të kundërshtojë vendime e gjykatës. Prandaj ndjehem i keqardhur për këtë reagim të shumë prej anëtarëve të kësaj organizate ndaj policisë së shtetit", theksoi Çuçi.





Lajmet e fundit nga