web counter
LEXO PA REKLAMA!

SHKARKO APP

App Store
Google Play

Nga presionet te vizioni i tij për drejtimin e SPAK-ut/ Prezantimi i prokurorit Elvin Gokaj

11 Dhjetor 2025, 13:33, Aktualitet CNA

Nga presionet te vizioni i tij për drejtimin e SPAK-ut/ Prezantimi i

Prokurori Elvin Gokaj para KLP-së ka deklaruar se do të marrë praktikat më të mira të kolegëve të tij paraardhës që do t’i shërbejnë nëse do të zgjidhet si kreu i SPAK-ut.

"Drejtimi im do të jetë vetvetja. Kam qenë mbi 10 vite drejtues. Do të marr praktikat më të mira të kolegëve të mia paraardhës dhe do të vazhdoj vetë drejtimin në SPAK. Praktikat më të mira janë puna në grup."

Gokaj theksoi se pikat e tij të forta janë puna dhe integriteti, ndërsa pika e tij e dobët janë programet kompjuterike.

I pyetur në lidhje me drejtuesit e SPAK-ut se cilat tipare do të vlerësonte, Gokaj u shpreh:

“Mendoj që institucioni për të cilin kam ardhur të kandidoj nuk duhet të lidhet me emra të përveçëm. Ata kanë dhënë energjinë për këtë strukturë.

Një nga karakteristikat është se asnjëri prej drejtuesve të mëparshëm është se nuk kanë ndërhyrë në asnjë çështje. Nuk kemi pasur ndikim për çështje konkrete, kjo do të jetë dhe linja së cilës unë do t'i qëndroj”, tha Gokaj.

I pyetur në lidhje me presionet, Gokaj tha se presione nuk mund të bëjë askush nëse nuk futesh në kontakt.

“E kemi kaluar fazën e presioneve. Presione nuk mund të bëjë askush po nuk u fute në kontakt me të”, u shpreh Gokaj.

Ai e cilësoi të domosdoshme rritjen e numrit të hetuesve të BKH-së.

“Rritja e numrit të hetuesve të BKH-së është e domosdoshme. Nëse do të më jepet mundësia edhe për caktimin e këshilltarëve pranë prokurorëve për të lehtësuar punën e prokurorit”, tha ai./ CNA





Lajmet e fundit nga