web counter
LEXO PA REKLAMA!

SHKARKO APP

App Store
Google Play

Nesër maratona e Tiranës/ Akset rrugore që do të bllokohen, Vocaj jep detajet

22 Tetor 2022, 14:42, Aktualitet CNA
Nesër maratona e Tiranës/ Akset rrugore që do të bllokohen,
Përgjegjësi i Qarkullimit rrugor në Policinë Bashkiake, Gentian Vocaj

Përgjegjësi i Qarkullimit rrugor në Policinë Bashkiake, Gentian Vocaj, ka dhënë detajet për zhvillimin e maratonës në Tiranë.

Vocaj bëri me dije se bllokimi i rrugëve do të nisë nga ora 08:00 e mëngjesit deri në 16:00 të padites.

I ftuar në "Report TV", Vocaj zbuloi dhe akset që do të jenë të bllokuara gjatë këtij afati kohor si dhe iu bëri thirrje drejtuesve të mjeteve të mos përdorin automjetet.  

 “Maratona nis me sheshin ‘Skënderbej’, do vijojë në bulevardin ‘Zogu i Parë’ dhe më pas në ‘Bulevardin e ri’ të Tiranës. Më pas do të kthehen në sheshin ‘Skënderbej’ dhe do marrin djathtas për në rrugën e ‘Durrësit’ për tu kthyer më pas në rrugën e ‘Kavajës’, në rrugën ‘Myslym Shyri’, në bulevardin ‘Gjergj Fishta’, në bulevardin ‘Bajram Curri’, kalojnë tek ura e Gjykatës, kthehen në rrugën ‘Ibrahim Rugova’, kalojnë përmes zonës së ‘ish Bllokut’ dhe shkojnë në drejtim të ‘ish Gardës’ dhe bëjnë një rreth të plotë te ‘parku i Liqenit’.

Më pas kthehen në sheshin ‘Nënë Tereza’, kalojnë te rruga ‘Gjergj Filipi’ për te rrethi i piceri Erës, kalojnë rrugën ‘Papa Gjon Pali’ pranë televizionit, marrin kthesë. Ka 2 pjesë maratona aty. Maratona 10 km vijon në rrugën ‘Papa Gjon Pali’ dhe del në bulevardin ‘Bajram Curri’ po në rrugën ‘e Elbasanit’, ku vazhdon rrugën ‘George Bush’, ‘Abdi Toptani’ dhe përsëri pranë bashkisë në sheshin ‘Skënderbej’. Maratona ka 4 kategori, e plota 42 km, gjysmë maratona 21 km, 10 km dhe kategoria për persona paraplegjikë dhe ka më shumë karakter promovues se sportivë.

Bllokimet e rrugëve nisin në 8:00 të mëngjesit deri në orën 16:00. Apeli për qytetarët është të mos përdorin automjetet nesër. Nëse duhet t’i përdorin patjetër, të gjejnë rrugë alternative për të mos ndaluar itinerarin e maratonës. Do jenë mbi 500 efektivë në terren për mbarëvajtjen e maratonës”, tha Vocaj./ CNA.al





Lajmet e fundit nga