web counter
LEXO PA REKLAMA!

SHKARKO APP

App Store
Google Play

E fundit!

x

Në gjendje kritike prej javësh/ Mitropoliti i Laodikesë viziton Kryepiskopin Anastas në Athinë

23 Janar 2025, 13:27, Aktualitet CNA

Në gjendje kritike prej javësh/ Mitropoliti i Laodikesë viziton

Hirësia e Tij, Mitropoliti i Laodikesë, z. Theodhorit, përfaqësuesi i Patriarkanës Ekumenike në Athinë, ka zhvilluar sot një vizitë në spitalin “Evangelismos”, ku ndodhet i shtruar në Njësinë e Kujdesit Intensiv Fortlumturia e Tij, Kryepiskopi i Shqipërisë, z. Anastas.

Hirësia e Tij, Mitropoliti i Laodikesë dhe priftërinjtë që e shoqëronin, kryen lutje për shëndetin e Fortlumturisë së Tij, Kryepeshkopin Anastas dhe biseduan me të.

“Hirësia e Tij, Mitropoliti i Laodikesë, u takua me Episkopin e Krujës, z. Anastas, dhe me priftërinjtë që e shoqëronin, në Kishën e Ungjillëzimit, në spital, ku kryen së bashku një lutje për shëndetin e Fortlumturisë së Tij, Kryepiskopit të Shqipërisë. Më pas, Hirësia e Tij i përcolli Episkopit të Krujës, z. Anastas, urimet e Patriarkut Ekumenik, si dhe urimet e tij personale.

Hirësia e Tij, Episkopi i Krujës, e vuri në dijeni për gjendjen shëndetësore të Kryepiskopit, e cila mbetet e qëndrueshme, me një përmirësim të vogël. Më tej, ai shprehu falënderimet e tij të përzemërta për interesimin, lutjet dhe urimet e Patriarkut Ekumenik, duke i kërkuar atij që t’a falënderojë Patriarkun Ekumenik përzemërisht dhe me respekt për interesimin e treguar”, thuhet në njoftim.

Ndërkohë bëhet me dije se Kryepiskopi vijon të jetë në gjendje kritike dhe nën kujdes intensive./ CNA





Lajmet e fundit nga