web counter
LEXO PA REKLAMA!

SHKARKO APP

App Store
Google Play

E fundit!

x

Moti i keq/ Autoriteti Portual i Durrësit jep njoftimin e rëndësishëm

23 Dhjetor 2024, 13:58, Aktualitet CNA

Moti i keq/ Autoriteti Portual i Durrësit jep njoftimin e

Referuar parashikimeve të Kapitenerisë së Portit të Durrësit mbi situatën hidrometereologjike në Rajonin e Adriatikut, gjatë ditës së sotme si pasojë e kushteve të përkeqësuara të motit ka pasur vonesa në mbërritje dhe proceset e bregëzimit të trageteve.

Kompanitë e lundrimeve bëjnë të ditur se si pasojë e kushteve të paqëndrueshme të motit trageti “AF Marina” i parashikuar për lundrim mesditën e sotme nga Porti i Durrësit drejt Barit, (Itali) ka pezulluar nisjen deri në normalizimin e situatës.

Trageti “AF Franceska” do të kryejë lundrim pa pasagjerë si pasojë e kushteve të përkeqësuara meteorologjike.

Në terminalin e kontejnerëve proceset operacionale vijojnë normalisht dhe pa ndërpreje.

Ndërkohë që është pezulluar përkohësisht puna në terminalin e mallrave gjenerale dhe atë rifuzo si pasojë e erës së fortë dhe reshjeve intensive.

Do t'ju mbajmë të informuar për çdo zhvillim, ndërkohë që situata lundrimore pritet të normalizohet në orët në vijim.

Për çdo sqarim të mëtejshëm, adresohuni pranë kompanive të lundrimeve ose në adresën tonë zyrtare në rubrikën “Pasagjerët”, www.durresport.al./ CNA





Lajmet e fundit nga