web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e Ervis Martinajt prej 6 muajsh/ Çuçi ngre duart: S'dihet çfarë ka ndodhur me të

11 Janar 2023, 13:03, Kronika CNA
Zhdukja e Ervis Martinajt prej 6 muajsh/ Çuçi ngre duart:
Ministri Bledi Çuçi

Ministri i brendshëm, Bledi Çuçi, ka deklaruar se ende nuk ka një përgjigje përfundimtare për çështjen e Ervis Martinajt.

Gjatë konferencës me gazetarët, Çuçi është shprehur se përgjigjen përfundimtare rreth fatit të Martinajt do ta bëjnë me dije kur të kenë prova të forta. Ndër të tjera u shpreh se Policia e Shtetit merret çdo ditë me zbardhjen e çështjes.

“Ka pasur një vëmendje të posaçme për të zbardhur gjithë këtë mjegull që është ngritur mbi fatin e Ervis Martinaj. Policia jo vetëm që bën punën për ta zbardhur këtë ngjarje por dhe ka komunikuar me publikun për këtë gjë.

Ju keni qenë të informuar gjatë gjithë kësaj periudhe për veprime të ndryshme policore që kanë të bëjnë me zbardhjen e kësaj ngjarjeje. Policia vepron sipas ligjeve dhe ka përgjegjësi ligjore për të deklaruar jë fakt të caktuar qoftë juridik, ose jo juridik.

Nga policia ju do të merrni një përgjigje përfundimtare deri sa të ketë një provë të fortë se çfarë ka ngjarë me këtë personazh. Pastaj pjesa e thashethemeve e llafeve dhe e skenarëve ato janë çështje dhe është i lirë, çdokush t’i bëjë, por nuk janë çështje e policisë.

Nuk ka një shkop magjik që zbardh menjëher një situatë të caktuar kriminale aq më shumë me një personazh kaq të komplikuar të botës së krimit”, tha Çuçi.

Ky është një verson i dëgjuar edhe më parë kur bëhet fjalë për rastin e Ervis Martinajt, ku thuhet se nuk mund të jepet një përgjigje pasi vijon puna për zbardhjen e fatit të tij./ CNA.al





Lajmet e fundit nga