web counter
LEXO PA REKLAMA!

SHKARKO APP

App Store
Google Play

Micro Credit Albania, skemë mashtrimi?/ Sejko: Ne i pezulluam licencën, hetimi i takon prokurorisë

8 Maj 2024, 17:30, Aktualitet CNA

Në fund të muajit dhjetor të 2023-shit, Banka e Shqipërisë pezulloi licencën e institucionit financiar të kredidhënies, Micro Credit Albania (MCA).

Pezullimi i licencës erdhi si pasojë e shkeljeve të kërkesave rregullatore për një kohë të gjatë nga Micro Credit Albania (MCA).

Për këtë vendim u pyet gjatë një konference me gazetarët Guvernatori i Bankës së Shqipërisë, Gent Sejko.

Ky i fundit tha se lincenca e Micro Credit Albanias nuk i është hequr totalisht licenca vetëm për shkak se klientët do të dilnin jashtë regjistrit të kredive që administrohet nga Banka e Shqipërisë.

Sejko theksoi se Banka nuk mund të kryejë hetime dhe se kjo gjë i takon prokurorisë.

"Problematika lidhet me mbledhjen e kredive të këqija, rreth viteve 2010, pas krizës së 2008. Për të ulur kreditë me probleme ne bëmë një plan emergjent, që përfshinte një sërë masash dhe një nga pikat ishte edhe fshirja e kredive me probleme. 

Ne nuk kemi asnjë informacion zyrtar nga Prokuroria e Përgjithshme ose SPAK, për të parë nëse ka shpërdorim detyre. Ajo që kemi bërë është që kemi marrë masat sipas kërkesave ligjore, shkeljet e konstatuara ishte me provigjonet, me raportimin financiar, që nuk kanë lidhje me hetimin financiar, sepse nuk e hetojmë mashtrimin financiar.

Ne i kemi pezulluar licencën, nuk ja kemi hequr, sepse do t’i nxirrte të gjithë klientët jashtë regjistrit të kredive që administrohet nga BSH, kjo do të krijonte precedentin që kreditë falen dhe nuk paguhen, do të rriste kreditë me probleme, por do të sillte probleme ku ata që kanë paguar do të klasifikoheshin klientë të këqij. Revokimi i licencës nuk zgjidh problemin e klientëve, sepse borxhi është titull ekzekutiv që kalon përmes gjykatës dhe zgjidhet me procedura përmbarimore", tha Sejko./ CNA





Lajmet e fundit nga