web counter
LEXO PA REKLAMA!

SHKARKO APP

App Store
Google Play

SHBA kërkon opozitën në proces: Komisioni të jetë transparent dhe bashkëpunues

8 Maj 2024, 15:31, Aktualitet CNA

SHBA kërkon opozitën në proces: Komisioni të jetë

Ambasada e SHBA-së ka reaguar për rezolutën e përgatitur nga kryeministri Edi Rama me një grup besnikësh për një komision të posaçëm parlamentar, që siç ka raportuar CNA, synon kontrollin e SPAK-ut.

Në një reagim për mediat, ambasada e SHBA kërkon që opozita të jetë pjesë e procesit dhe gjithçka të bëhet në bashkëpunim, si dhe me transparencë.

“Propozimi për të çuar përpara përpjekjet e Shqipërisë që lidhen me qeverisjen e mirë, sundimin e ligjit, dhe antikorrupsionin është premtues. Si partnerë në mbështetje të Shqipërisë prej kohësh, Shtetet e Bashkuara përgëzojnë përpjekjet që bazohen në suksesin e reformave të mëparshme ndërkohë që bëjnë bashkë grupe politike, shoqërinë civile, biznesin dhe të tjerë për të çuar përpara reformat kritike që janë të nevojshme për rrugën e Shqipërisë drejt anëtarësimit në BE dhe bashkësinë euro-atlantike. Nxisim pjesëmarrjen e të gjithë shqiptarëve që synojnë të përmirësojnë të ardhmen e Shqipërisë dhe presim me kënaqësi të shohim rezultatet e dala nga një proces transparent dhe bashkëpunues”, thuhet në reagim.

Kujtojmë se Rama po krijon një komision të posaçëm që do t’ja besojë Fatmir Xhafajt.

Opozita nuk ka pasur deri më trani asnjë rol në proces, ndonëse minimalisht duhet të kishte ekspertë të saj, të diskutohej, të shikoheshin pikat ku përputheshin palët, të përgatitej një draft dhe palët të diskutonin me njëra-tjetrën.

Por mazhoranca e ka përgatitur draftin e vetme dhe po kërkon të ngrejë një KPP që nuk është gjë tjetër veçse antireforma në drejtësi./ CNA

 





Lajmet e fundit nga