web counter
LEXO PA REKLAMA!

SHKARKO APP

App Store
Google Play

E fundit!

x

Iu sekuestruan pasuritë/ Kush është Saimir Gjepali, pjesë e grupit të Avdylajve

8 Maj 2024, 11:20, Aktualitet CNA

Iu sekuestruan pasuritë/ Kush është Saimir Gjepali, pjesë e

Të mërkurën, me vendim të Gjykatës së Durrësit, janë sekuestruar pasuritë e shtetasit Saimir Gjepali, i dënuar në Shqipëri dhe Itali për "Pjesëmarrje në organizatë kriminale në trafikimin e lëndëve narkotike".

Kush është Saimir Gjepali? 

Ai është një emër i njohur për drejtësinë dhe pjesë e grupit të Avdylajve. 

50-vjeçari u arrestua me qëllim ekstradimi në janar të 2022-shit, pasi ishte në kërkim ndërkombëtar sepse gjykata e Milanos në Itali në vitin 2011 e ka dënuar me 24 vite e 2 muaj, për veprat penale "Pjesëmarrja në organizatë kriminale" dhe "Trafikimi i lëndëve narkotike". 

Ndërkohë ai është arrestuar në Shqipëri për laboratorin e heroinës në Has, së bashku me anëtarët e tjerë të grupit të Avdylajve, ku u goditën 4 grupe kriminale. Në 30 maj të vitit 2020 ai ka qenë pjesë e grupit që ndezën revoltën në burgun 313 në Tiranë.

Sekuestrimet: 

-    Banesë me 2 (dy) kate dhe garazh me sipërfaqe ndërtimi prej 150 m2, e ndërtuar pa leje dhe e vetëdeklaruar nga shtetasi S.Gj me vendndodhje në Shijak;

2-    Lokal "Njësi" me 1 (një) kat, i ndërtuar pa leje dhe e vetëdeklaruar nga A.Gj. me vendndodhje në Shijak, me sipërfaqe ndërtimi 96 m2;

3-    Tokë "Arë" me sipërfaqe 4.000 m2 në fshatin Lalëz-Njësia Administrative Ishëm të rrethit Durrës;

4-    Tokë "Arë" me sipërfaqe 2.000 m2, në njësinë Administrative Ishëm të rrethit Durrës; dhe

5-    Tokë "Arë" me sipërfaqe 2002 m2 e ndodhur në njësinë Administrative Ishëm të rrethit Durrës./CNA 

 





Lajmet e fundit nga