web counter
LEXO PA REKLAMA!

SHKARKO APP

App Store
Google Play

E fundit!

x

Ai që iu jep bukë hajdutërve

7 Maj 2024, 16:39, Aktualitet CNA

Një shprehje e përdorur dikur nga të moçmit në Korçë zë vend në situatën aktuale në Tiranë.

Dikur në Korçë, nëse dikush shihte një fëmër jo më moral të mirë dhe e pyeste tjetrin se kush është ajo, përgjigja ishte: Ajo i jep bukë hajdutërve.

Dhe kjo shprehje përkon me hajdutët e burgosur që ushqehen nga padroni i tyre jashtë.

Ai që iu jep bukë hajdutërve
Foto ilustruese

Edhe në ditët e sotme, ndonëse kanë kaluar vite e dekada, ka ende hajdutë që vjedhin e dynden në paratë e shqiptarëve, por gjithashtu ka ende persona që ushqejnë këta hajdutë, ata që vjedhin nga arkat e shtetit me skema e pazare dhe më pas thasët me para i ndajnë me njëri-tjetrin.

Dhe kur kapen me presh në duar, këta hajdutë zënë strehë te padroni. Ky i fundit herë i mbron e herë i lëshon dhe në fund i shtrëngon për të shpëtuar kokën e tij, ka dhe raste kur i reklamon si hajdutë të suksesshëm.

Ai që iu jep bukë hajdutërve
Foto ilustruese

Tashmë, ai që i jep bukë hajdutërve është ky padron që qahet lart e poshtë kur të tjerët e tregojnë me gisht.

Njësoj si prostituta një herë e një kohë, ai që ushqen hajdutët sot viktimizohet dhe bën virgjëreshën kur kapet në aksion.

Ndonëse hajdutët nuk i mbronte as kanuni, i damkosuri nuk pyet as për ligj e as për kanun. I damkosuri vijon t’i japë bukë hajdutëve që i mbushën xhepat dhe e quajtën padron./ CNA





Lajmet e fundit nga