web counter
LEXO PA REKLAMA!

SHKARKO APP

App Store
Google Play

Princi do të paguajë 1 mijë euro në muaj/ Kushti për aktoren për të jetuar në apartamentin prapa ish-hotel "Dajtit"

8 Maj 2024, 12:28, Aktualitet CNA
Princi do të paguajë 1 mijë euro në muaj/ Kushti për
Elia Zaharia dhe Princ Leka

Zbardhet vendimi i gjykatës për zgjidhjen e martesës së Elia Zaharias dhe Princ Lekës. Sipas vendimit, kërkesa për divorc erdhi për 3 arsye, të cilat janë mungesa e komunikimit, konfliktet e vazhdueshme dhe ndërprerja e bashkëjetesës. 

Arsye të cilat janë pranuar si nga aktorja Zaharia ashtu edhe nga Leka, duke hedhur përfundimisht poshtë aludimet se tradhtia ishte shkak.

Mësohet se Elia do të jetojë në një apartament 257 m2 në qendër të Tiranës që Leka ia ka dhënë vajzës, Geraldines, për aq kohe sa ajo (Elia) nuk ka një partner. 

Po kështu ka përfituar gjithashtu dhe ambiente të tjera shërbimi në pallatin që po ndërtohet pas ish-hotel "Dajtit".

Ndërkohë vajza e vogël Gerladina do të jetojë me mamin e saj, në Pallatin Mbretëror deri në momentin kur apartamenti të jetë gati. Leka Zogu dhe vajza e tij mund të takohen çdo ditë. Vajza do të jetojë në të njëjtën banesë me të ëmën, e cila do të kujdeset për rritjen dhe edukimin e saj. 

Sipas marrëveshjes, Leka Zogu do të paguajë 1 mijë euro vlerë monetare mujore si detyrim ushqimor kundrejt vajzës Geraldinës. 

Gjithashtu në këtë vendim është përcaktuar se Elia nuk do ta mbajë më mbiemrin Zogu, por do të rikthejë atë të vajzërisë, Zaharia.

Në muajin mars, Princ Leka dhe Elia Zaharia u përfshinë në një ngjarje të pazakontë. Ata paditën njëri-tjetrin për dhunë. Situata mori përmasat e një ngjarjeje serioze kur u publikuan pamjet e dhunës brenda Pallatit Mbretëror. Princ Leka, Elia Zaharia dhe babai i kësaj të fundit, Gjergj Zaharia, shkuan deri në përplasje fizike./CNA 





Lajmet e fundit nga