web counter
LEXO PA REKLAMA!

SHKARKO APP

App Store
Google Play

Mero Baze mashtroi sërish/ Ja fakti

9 Prill 2025, 12:00, Aktualitet CNA

Mero Baze mashtroi sërish/ Ja fakti

Në përgjimet e publikuara nga CNA për bisedat e kryebashkiakut të Tiranës Erion Veliaj me vëllain dhe bashkëshorten Ajola Xoxa dalin në pah fakte sesi një zyrtar i lartë përdor lidhjet dhe postin e tij për të shantazhuar njerëz, për të ndikuar te dëshmitarët dhe për të përdorur mediat.


 
Në biseda del se Veliaj porosiste shkrime, editorial, intervista në media si Report TV dhe TEMA dhe dhe gazetarë si Bollino dhe Baze, madje ka mundësi që botonte dhe shkrime të tijat me emrin e Mero Bazes.

 

Mero Baze që nga nisja e publikimeve të përgjimeve nga CNA ka sjellë shumë versione sesi kjo media i kishte siguruar përgjimet ku njëri version ishte SPAK-u një tjetër që ishte PD-ja dhe më pas akuzoi se mund t’i kishin nxjerrë prokurorët kundërshtarë të Altin Dumanit dhe Ols Dados.



Dje pas publikimit të dosjes së plotë të Apelit të GJKKO-së hidhen dhe një herë poshtë skenarët e Mero Bazes për burimin e përgjimeve dhe vërtetohet se janë pjesë e saj dhe jo fashikujt e përgjimeve të SPAK.

 

 

Në një nga editorialet e tij Mero Baze përmes një mashtrimi publik tha se dosja e përgjimeve nuk është lejuar të merret nga avokatët në sallën e gjyqit, por duke qenë se gënjeshtra i ka këmbët e shkurtra zbuloi veten përmes një tjetër shkrimi ku publikoi dy dokumente duke thënë se në kopjen e avokatëve ishin argumentet e prokurorit Dado të paraqitura në seancë të ilustruara me copëza përgjimesh të futura si prova, por që nuk ka prova.


Ky ishte mashtrim mbi mashtrimin e parë pasi siç u vërtetua përgjimet ishin pjesë e dosjes mbi të cilën gjyqtari i Apelit të Posaçëm Engert Pëllumbi mori vendimin për lënien në qeli të Erion Veliajt duke e konsideruar si të rrezikshëm, pjesë e grupit të strukturuar kriminal, person që mund të helmonte provat dhe që mund të arratisej.

 

Veliajt i janë lënë në fuqi dy akuzat kryesore dhe situata e tij ligjore është rënduar.

Mero Baze mashtroi sërish/ Ja fakti

Mero e nxori veten zbuluar që ka jo vetëm përgjimet, por edhe fashikujt e SPAK. Bëhet fjalë për qindra faqe jo vetëm 13 faqet që CNA publikoi dhe Baze i dinte, i dispononte e megjithatë thoshte që nuk i kanë as avokatët.


Lind pyetja:

Ku i di Mero Baze tabelat? Kush ia dha? Se, mashtroi publikisht duke thënë se avokatët nuk i kanë përgjimet.

 

Mero mashtron dhe dezinformon publikun sepse nuk di të bëjë më mirë, sepse kështu është bërë përfitues i të mirave publike dhe sot është sulltani i ri i Jugut. /CNA.





Lajmet e fundit nga