web counter
LEXO PA REKLAMA!

SHKARKO APP

App Store
Google Play

Mane tregon sekretin/ Kjo është metoda efektive që punonjësit të mos largohen

23 Qershor 2023, 09:07, Aktualitet CNA

Mane tregon sekretin/ Kjo është metoda efektive që

Biznesmeni Samir Mane ka zbuluar se cila është zgjidhja që kompania e tij ka gjetur për të mbajtur punëtorët dhe për të frenuar largimin e tyre.

Mane është shprehur në një intervistë për Blendi Fevziun se kanë rritur pagat dhe bonuset dhe sekreti qëndron tek përllogaritjet se sa para iu mbeten punonjësve deri në fund të muajit. Kjo metodë sipas tij ka rezultuar shumë e suksesshme të paktën me punonjësit e kompanisë së tij.

Pjesë nga intervista

-Shqipëria ka plagë largimin e njerëzve të kualifikuar, jo vetëm krahut të punës tashmë. Sot një i ri arrin që online të aplikojë për vend pune, ta fitojë, Gjermania ka vende bosh. A janë një problem ikjet?

Samir Mane: Natyrisht ikjet janë një problem. Është një problem që ka ndodhur vitet e fundit kudo, ndodh. Ata do të shkojnë në vende që mendojnë se fitojnë më shumë, kur Gjermania thotë më duhen 3 mln njerëz dhe kur njerëzit shohin rrogat, padyshim që mendojnë se atje duhet shkuar. Nuk ka një formulë për ta zgjidhur. Ne kemi shumë pak ikje, për arsye të të gjithë sistemit që kemi ndërtuar, të pagesave, bonuseve.

-Ju si kompani?

Samir Mane: Ne kemi shumë pak ikje, por shqetësimi im është jo vetëm se ikja e njerëzve nga kompania ime jashtë për të punuar, por edhe si konsumator, gjithashtu një pjesë e rëndësishme e gjësë. Por, unë besoj që edhe do ikin, edhe do kthehen, natyrisht politika ka punën e vet.

-Sa i ka kushtuar kjo tentativë kompanisë për të mbajtur njerëzit?

Samir Mane: Kushton, kemi rritur rrogat dhe vazhdojmë të rrisim rrogat dhe bonuset. Arsyetimi jonë është sa do u ngelet në fund të muajit, pra jo sa do marrësh në Gjermani, kemi një sistem që themi sa do ngelet në Gjermani për të njëjtën punë. Këtu kemi arritur të kemi sukses dhe të kemi shumë pak ikje të njerëzve tanë./ CNA





Lajmet e fundit nga