web counter
LEXO PA REKLAMA!

SHKARKO APP

App Store
Google Play

“Edhe në Gjirin e Lalzit do të shkosh me vizë”/ Balla, thirrje SPAK-ut: Heto Berishën

22 Qershor 2023, 14:31, Aktualitet CNA

“Edhe në Gjirin e Lalzit do të shkosh me vizë”/

Kreu i grupit parlamentar të Partisë Socialiste, Taulant Balla, i është kundërpërgjigjur akuzave të ish-kryeministrit Sali Berisha për ambasadoren Yuri Kim.

Balla tha se gabim nuk janë ambasadorët, por Berisha.

Ai tha se edhe në Gjirin e Lalzit, Berishës do t'i duhet të shkojë me vizë, ndërsa i ka bërë thirrje SPAK-ut të hetojë krimet e ish-kryeministrit.

“Nuk janë gabim ambasadorët. Gabimi është te Sali Berisha. Shpresa që ti të shkelësh tokën amerikane është zero.

Edhe në Gjirin e Lalzit, do të të duhet të shkosh me vizë. Je shpallur 'non grata' nga SHBA-ja për korrupsion të nivelit të lartë dhe minim të demokracisë.

Pa ndihmën e Amerikës nuk do të ishim sot dy shtete të pavaruara. SHBA-në, Britaninë e Madhe dhe NATO-n duhet ta kemi në krah.

Kjo sallë nuk mund të mbajë brenda vetes një person si Berisha që është shpallur 'non grata' nga Amerika dhe Britania e Madhe.

Shpresojmë që SPAK-u të hetojë krimet që ka bërë Sali Berisha. Të hetohet për shpërdorim detyre me pasojë vdekjen e 4 qytetarëve shqiptarë”, ka thënë Balla./ CNA





Lajmet e fundit nga