web counter
LEXO PA REKLAMA!

SHKARKO APP

App Store
Google Play

E fundit!

x

Linjat ajrore anulojnë mbi 25 mijë fluturime të planifikuara në gusht

16 Korrik 2022, 21:30, Aktualitet CNA
Linjat ajrore anulojnë mbi 25 mijë fluturime të planifikuara
Foto ilustruese

Linjat ajrore në të gjithë botën kanë anuluar më shumë se 25,000 fluturime nga oraret e tyre të fluturimeve për muajin gusht, me rreth 60 për qind të tyre në Europë.

Një numër kaq i lartë i anulimeve vjen pas mungesës së stafit dhe çështjeve të tjera me të cilat janë marrë aeroportet në Europë dhe më gjerë në botë, raporton "SchengenVisaInfo.com".

Të dhënat më të fundit të siguruara nga Cirium tregojnë se aktualisht Europa është zona më e prekur. Deri më tani, në Europë janë anuluar gjithsej 15,788 fluturime që ishin planifikuar të fluturonin në gusht.

Megjithatë, edhe pse ky është një numër i lartë i anulimeve të fluturimeve, ai përfaqëson vetëm dy për qind të të gjithë orarit të fluturimeve për në Europë në gusht.

Sipas Cirium, numri më i madh i fluturimeve për muajin gusht janë anuluar nga "Turkish Airlines". Ky i fundit anuloi 4408 ngritje vetëm javën e kaluar.

"Turkish Airlines" pasohet nga "British Airways" me 3600 fluturime të anuluara, "easyJet" me 2045 fluturime të anuluara, "Lufthansa" me 1888 fluturime të anuluara dhe "Wizz Air" me 1256 fluturime të anuluara./euronews





Lajmet e fundit nga