web counter
LEXO PA REKLAMA!

SHKARKO APP

App Store
Google Play

E fundit!

x

Video/ Flakët në malin e Çikës, nën kontroll/ Peleshi, thirrje qytetarëve: Bëni kujdes me ndezjen e zjarreve

15 Korrik 2022, 19:54, Aktualitet CNA
Video/ Flakët në malin e Çikës, nën kontroll/
Avioni që po shuan flakët në malin e Çikës

Ministri i Mbrojtjes, Niko Peleshi, ka njoftuar se prej disa orësh po punohet nga toka dhe ajri për shuarjen e flakëve në malin e Çikës.

Në një postim në "Facebook", ministri informon se zjarri është vënë nën kontroll nga drejtimi i Palasës dhe po vijon puna në pjesën tjetër në drejtim të Himarës.

Gjithashtu ai, u ka bërë thirrje qytetarëve të bëjnë kujdes me ndezjen e zjarreve, pasi zjarrvënia e qëllimshme dënohet dhe përgjegjësit do të shkojnë para drejtësisë!

Njoftimi i plotë:

“Vijojnë prej orësh përpjekjet nga toka dhe ajri për të shuar flakët në të vetmen vatër që kemi në të gjithë territorin e vendit, atë në Malin e Çikës. Zjarri është vënë nën kontroll nga drejtimi i Palasës dhe po vijon puna në pjesën tjetër në drejtim të Himarës. Falë reagimit të shpejtë gjatë 24 orëshit të fundit janë shuar 11 vatra zjarri në qarqet e Fierit, Tiranës, Korçës e Shkodrës. Mirënjohje efektivëve të FA, forcave zjarrfikëse, por edhe vullnetarëve të angazhuar. Falenderime Mekanizmit Evropian të Mbrojtjes Civile për përgjigjen në kohë të shpejtë dhe ndihmën e dhënë.

Një thirrje për të gjithë qytetarët: Ruani mjedisin, ruani veten dhe të tjerët, duke bërë kujdes me ndezjen e zjarreve! Zjarrvënia e qëllimshme dënohet dhe përgjegjësit do të shkojnë para drejtësisë!/CNA.al

Video/ Flakët në malin e Çikës, nën kontroll/

Video/ Flakët në malin e Çikës, nën kontroll/

 





Lajmet e fundit nga